جولة سياحية بقلب جبيل القديمة

يلا، جهزوا حالكن لجولة مشوقة بجبيل القديمة! رح نعمل جولة سياحية بجبيل القديمة، نسرح على البحر وبين الأمواج والتاريخ وناكل أكل طيب ونزور القلعة ونتفرج على البيوت الأثرية والحرف الفنية. جبيل من أقدم المدن بالعالم بلبنان، وبكل زاوية فيها بتلاقوا تاريخ وجمال طبيعي. جاهزين نعرفكن على 11 أماكن حلوة رح تتمتعوا فيها بالجو القديم وأصالة هالمدينة الرائعة!

١. بلشوا نهاركن ترويقة غير شكل عند خان جبيل بالسوق العتيق

أطيب مناقيش وترويقة بلدية وأكل تقليدي مع فنجان شاي أكرك عجم

الرقم: 599 544 09

٢. تمشوا بشوارع السوق العتيق وقعدوا بالكافيهات المهضومة واشربوا فنجان قهوة

فيكن كمان تشتروا هدية تذكارية بتعبر عن حبكن للبنان!

٣. زوروا كنيسة سيدة الميسة الأثرية بالسوق العتيق لي بتضل مفتوحة ليل نهار

الزوار بيقصدوها ليطلبوا أمنية لأن صدقوا بتتحقق

٤. زوروا مينا جبيل الأثرية وتمشوا على السنسول

وخدوا أجمل الصور للبحر وتفرجوا على الشخاطير

٥. كلوا أطيب لقمة عند مطعم فينيقيا بالسوق العتيق لي رح يرجعلكن تجربة الأكل الفينيقية

أطباق المازة اللبنانية والسمك والحلو ناطرينكن وحتى بيطلعلكن صاج مع كل سفرة لتخبزوا مناقيشكن ع إيديكن

الرقم: 444 540 09

٦. إذا عبالكن لقمة على البحر دغري ما إلكن غير مطعم باب المينا

بقدملكن أطيب سفرة سمك طازة من البحر ع طاولتكن مع فيو ولا أجمل من هيك على البحر

الرقم: 475 540 09

٧. زوروا المواقع الأثرية متل المسجد الأثري بالسوق، كنيسة القديسة أكويلينا الفينيقية، وأقدم كنيسة بالشوق الأوسط-كنيسة مار يوحنا مرقس

تفرجوا على الرسومات والزخرفات الأثرية لي بتعود للقرون الوسطى وخدوا أجمل الصور

٨.زوروا متحف الشمع بالسوق العتيق

تفرجوا على الشخصيات اللبنانية والعالمية المعروفة المعمولة من الشمع

الرقم: 463 540 09

٩. زوروا قلعة جبيل الأثرية وتفرجوا على جبيل كلا والبحر كلو قبالكن

أحلى منظر بكون وقت غروب الشمس إنتو وعم تشوفوا الشمس عم تغيب ورا البحر

١٠. تفرجوا على البيوت الأثرية حد البحر

بيوت لبنانية أصيلة مع قرميد أحمر وجنينة قبال البيت متل حكايات الخيال

١١. ختموا نهاركن بأطيب عشا عند Le Petit Libanais Adonai أدوناي

كلو أكلاتكن بقلب الفخارة ومن الشواية دغري لتحسوا بطعمة كل لقمة متل ع إيام جدودنا

الرقم: 778 236 70

وهيك بتكون جولتكن بقلب حبيل القديمة من العمر… عشتوا كل التجارب الحلوة وحسيتوا بالجمال وبالبحر وبكل زاوية من زوايا هل مدينة!

شوفوا كمان، جولة سياحية بقلب طرابلس القديمة.