٧ مطاعم إيطالية مع قعدة حلوة للخريف

مين عبالو أطباق إيطالية دافية وقعدة لطيفة بنص الخريف؟ لكل محبي الأكل الإيطالي، اليوم المشوار خصوصي لإلكن. رح نخبركن عن 7 مطاعم إيطالية مع قعدة لطيفة للخريف.

1. Piazza 1140، حمانا

مطعم إيطالي مميز بين شوارع حمانا الحلوة. عندو قعدة كتير لطيفة بالسوق، بتقدروا تتغدوا عندو، وتكفوا تتمشوا بالضيعة، خصوصي هلق بالخريف المناظر ساحرة الجمال.

بيقدم مختلف الأطباق الإيطالية التقليدية، بيتزا على الحطب، مخبوزات إيطالية، سلطات غنية، ومشروبات طيبة.

الرقم: 037 532 05 – 178 381 79

2. Mario e Mario، الأشرفية

مطعم ماريو إي ماريو قطعة كلاسيكية من روما بشارع مار ميخايل. مطعم رح تنغرموا بكل تفاصيلو، من الديكور الإيطالي الرومانسي لقعدة التراس اللي بتطل على الشوارع القديمة.

بتدوقوا الأطباق الإيطالية الدافية من بيتزا وباستا وحتى بتجربوا أطباق شهية مع مأكولات بحرية.

الرقم: 036 888 76

3. Locanda Corsini، بكفيا

مطعم لوكاندا كورسيني قاعد بقلب بيت لبناني تراثي ببكفيا، مطعم جبلي بجنينة حلوة وبلكونات مقنطرة. مكان مغمور بألوان الخريف، وبيتميز بالجو الرومانسي الرايق. بتلاقوا عندن أطباق إيطالية أصيلة، الباستا الشهية، السلطات الإيطالية مع الخبز الإيطالي، وغيرها من القصص الطيبة متل البوظة الإيطالية.

الرقم: 143 263 81

4. Bavaglino، درج مار نقولا

مطعم إيطالي على درج مار نقولا، مزين بالأضوية الخافتة والأجواء الرومانسية، بيقدم بيتزا إيطالية بتدفي القلب وجو مكنكن مناسب لموعد غرامي.

الرقم: 080 091 81

5. Mariolino، البترون

هالمطعم مغمور بين الشجر الملون بالخريف، قعدة بيتوتية بالبترون مليانة سحر وجمال. بيقدموا بيتزا وباستا بتاخد العقل مع نبيد طيب وقعدة رومانسية.

الرقم: 555 766 76

6. Sapori E Vini، جبيل

مطعم إيطالي بجبيل مع قعدة cozy وهادية، عندو جو مناسب لموعد غرامي أو عشا رومانسي. عندو منيو متنوعة من الأطباق الإيطالية، باستا كريمي وغنية على أنواعها، بيتزا على الحطب رقيقة وشهية، وكمان تشكيلة مميزة من النبيد اللبناني.

الرقم: 333 734 81 – 343 034 70

7. Appetito Beirut، كافة الفروع

بتقعدوا عند مطعم أبتيتو على الكراسي الخشب و الشرشف الأبيض والأحمر اللي بياخدكن على شوارع روما. بتدوقوا أطيب الأطباق الإيطالية من السباغيتي و البيتزا على الحطب وأطباق البيستو مع زيت زيتون.

الرقم: 600 682 03 – 318 288 03

خبرونا بالتعليقات، مين بتعزموا على هل مطاعم إيطالية؟

شوفوا كمان، ١١ مطرح خريفي لتجربة رومانسية مع الحبيب