وود هيلز: بيوت خشب وقعدة جبلية بميروبا

عبالكن تهربوا من العجقة على مكان بعيد، مطرح تنغمسوا فيه بجمال الطبيعة الساحرة؟ خلونا نعرفكن بهل مشوار على وود هيلز Wood Hills، مكان من الأحلام قاعد على التلال بميروبا وبين نسمات الجبل، بيطل على مناظر خلابة بتمد على بعد النظر.

تعرفوا على منتجع الأحلام بالجبل

وود هيلز عبارة عن منتجع بيقدملكن تجربة إستثنائية بالطبيعة، من قلب 24 بيت خشبي و bungalows معمولين من أجود أنواع الخشب، شبابيك منحوتة بكل حرفية وقعدة مكنكنة على الآخر بتاخدكن على عالم من الرواق. كل بيت خشب بيقدملكن ملاذ فاخر بالطبيعة، من منظر الجبال الخيالي، لجو المنتجع المريح للنفسية، وحتى قعدة المسبح اللطيفة.

وود هيلز بيقدم تجارب إستثنائية بكسروان:

المميز ب Wood Hills انو منتجع مناسب للكل، إن كنتوا عشاق عم تفتشوا على تجربة رومانسية، أو جمعة أصحاب حابين تخيموا بالطبيعة، أو حتى عيلة حابة تقضي مشوار حلو بالجبل. عندن مساحات مناسبة للولاد يسرحوا فيها بالطبيعة، وكل وسايل الراحة اللي بتأمنلكن تجربة ما بتنتسى مع أحبابكن.

لكل محبي المغامرة، وود هيلز بيقدملكن مختلف الأنشطة الحلوة والحماسية لتغيروا جو وتنبسطوا مع أصحابكن. بتفيقوا الصبحيات على أصوات الطبيعة، بتشربوا فنجان قهوة على رواق بال bungalow، وبتجهزوا حالكن لنهار كامل من المغامرة والتسلية. وأكيد ما تنسوا ترويقة البوفيه الطيبة والغنية اللي بيقدمها وود هيلز.

وقبل ما يخلص نهاركن، بتجتمعوا بالمطعم عندن على سفرة من أطباق شهية ومميزة من المطبخ اللبناني، معمولة بكل شطارة ومقدمة بكل كرم. وبعدها بتكفوا السهرة بقلب بيوت الخشب الدافية تحت سما مكللة بالنجوم.

مقصد مميز بكل أوقات السنة ولأحلى المناسبات:

وود هيلز عندو أحلى التجارب الموسمية ومقصد حلو بكل أوقات السنة. لمحبي الصيف بتلاقوا مسبح ترخوها فيه تحت الشمس وبين لفحات الهوا الجبلي على مشروبات منعشة. ولمحبي الشتي، بتلاقوا جلسة دافية وقعدة جبلية مميزة للكنكنة والأحاديث الحلوة.

لعشاق الطبيعة، وود هيلز وجهة أساسية للسياحة البيئية بلبنان. من إهتمامن بالطبيعة الجبلية بميروبا، لزراعة مختلف الشجر بالمنطقة، ومحافظتن على كل شي. حتى بتقدروا تشاركوا عندن بقطف الفواكة طازة عن الشجرة، بتعبوا جاطات فواكة طيبة وبتستمتعوا بالطعم الفريش والصحي.

ومن أحلى المواسم لتزوروا وود هيلز هو موسم الشتوية. وقتها بتكون الجبال مكللة بالأبيض، والمناظر خيالية من فوق التل. والأحلى من هيك انو هالمطرح قريب على أفضل مراكز التزلج بالمنطقة، لتمارسوا رياضتكن المفضلة بالتلج، تكتشوفوا كل زاوية بزاويتها، وتقضوا نهار غير شكل.

بتلاقوا عند وود هيلز كل شي، تجربة صيفية ممتعة بالجبل ومغامرة شتوية حلوة بين التلج!

مع المناظر الساحرة، الخدمات المميزة، القعدة الإستثنائية، والمساحة الواسعة، Wood Hills بيستقبلكن انتو و أحبابكن على مناسباتكن الخاصة من أعراس رومانسية، لحفلات عيد الميلاد والجمعات الحلوة.

خبرونا، جاهزين لمغامرة من الأحلام عند وود هيلز؟

شوفوا شو ناطركن بعد عند وود هيلز هون، وللمزيد من المعلومات، اتصلوا على 786 177 76. وما تنسوا تزوروا صفحتن على الإنستغرام هون لتعرفوا كل جديد.

شوفوا كمان، ٧ مطاعم إيطالية مع قعدة حلوة للخريف