كيف فيكن تقضوا مشوار حلو بعيون أرغش؟

اليوم مشوارنا على منطقة عيون أرغش بمحافظة بعلبك الهرمل. هالمنطقة الجبلية قاعدة على ارتفاع ال 2000 متر على سفوح جبل المكمل، ومحاوطة بأعلى قمم بلبنان متل القرنة السودا، بتقدروا توصلوا عليها من البقاع أو بشري بالشمال. منطقة عيون أرغش هي منطقة بين الجرود فيها واحة خضرة غنية كتير ببرك الميّ، الينابيع الغزيرة، والعيون الصافية، والميّ كتير نضيفة لأنو مصدرها التلوج الدايبة. هالمنطقة بتتميز بمناظر خلابة بالخريف، فخلونا نشوف سوا كيف فينا نقضي مشوار حلو بمنطقة عيون أرغش.

إنبسطوا بنشاطات متنوعة بعيون أرغش:

1. تأملوا جمال الطبيعة الجبلية الساحرة

عيون أرغش عندها مناظر إستثنائية، سما زرقا صافية تحتها واحة خضرة بين جرود واسعة وبتحدّها أعالي الجبال.

بتقعدوا تحت فيّ شجر الحور والصفصاف واللزاب المزينة بألوان الخريف، مشوار كتير لطيف مع الشريك هالموسم.

2. عملوا بيكنيك على ضفاف البحيرة

في أحلى من إنو تستمتعوا بمناظر الخريف مع الحبايب؟ بتخلصوا وبتتمشوا على الدروب المزينة بورق الشجر الأصفر.

3. عملوا Hiking وتأملوا بسما مليانة نجوم

الليالي بمنطقة عيون أرغش مميزة لأنو السما صافية، فبتقدروا تتفرجوا على النجوم والمجرات البعيدة بعينكن. ولأنو المنطقة كتير خرج Hiking ورياضات جبلية، فيكن تمشرعوها مع 33North هون، بياخدوكن مشاوير حلوة بالشمال وبتكتشفوا دروب مشي كتير.

4. إركبوا بقارب بقلب الميّ الصافية

نشاط مميز ومسلي كتير للولاد والعيلة بالطبيعة.

5. إستمتعوا بركوب الـ ATV مع أصحابكن

بتقدروا تنبسطوا بهل نشاط الحماسي مع Mountain Invaders أو عند J Cedars Club صوب الأرز.

تواصلوا مع Mountain Invaders على 882 888 71

تواصلوا مع J Cedars Club على 930 179 03

جربوا لقمة طيب مع منظر الينابيع والجبال:

6. دوقوا السمك الطازة مع مازة غير شكل عند مطعم العيون

عندو كمان ملعب للولاد، ومناظر طبيعية ساحرة.

الرقم: 945 548 71

7. جربوا أكل بلدي مع قعدة جبلية بالهوا الطلق عند مطعم فوق الغيم

وأكيد لحقوا حالكن بهل طقس قبل ما يخلص الموسم!

الرقم: 999 477 70

8. كلوا لقمة طيبة على ضفاف البحيرة عند مطعم الزين

بيقدموا سمك التراوت الشهير بالمنطقة، وكمان مشاوي بتشهي ونبيد محلي مع قعدة بترد الروح!

الرقم: 919 699 03

قضوا ليلة غير شكل بأحلى بيوت الضيافة بعيون أرغش:

9. ميلوا عند بلو سكاي شاليه وعيشوا أحلى الأوقات

شاليه قاعد على الجبل من فوق، عندو إطلالة ساحرة ومناسب للعيل.

الرقم: 409 760 70

10. إحجزوا ليلة عند غرين هيل شاليه مع قعدة بين الشجر والجبل

بيت ضيافة مكنكن ودافي، مع قعدات حلوة بالطبيعة.

الرقم: 502 910 71

خبرونا بالتعليقات، حبيتوا المشوار على عيون أرغش بالخريف؟

شوفوا كمان، كيف فيكن تقضوا أحلى مشوار الخريف بصوفر؟