٥ أنواع كنافة بتلاقوهن بس بلبنان

الكنافة طيبة كل إيام السنة وبكل الأوقات وبكل الحالات لي منمرف فيها بحياتنا اليومية. لهيك اليوم رح نخبركن عن ٥ أنواع كنافة يلي بس بتلاقوها بلبنان. رح نحكي عن الكنافة بس بأشكال مختلفة وعلى طريقتنا اللبنانية العفوية!

جاهزين؟

١. الكنافة العادية

الكنافة العادية الملغومة بالجبنة يلي معودين ناكلها مع رشة قطر بقلب كعكة… فخامة المشهد بتكفي.

وين بتلاقوها؟

حلويات الصفصوف: 504 704 01
قصر الحلويات: 752 745 01
الحلاب: 1881

٢. الكنافة النابلسية

هل نوع الكنافة معمولة على الطريقة الفلسطينية، بتتكون من عجينة الكنافة المشهورة وهيي عبارة عن شعيرية على شكل خيوط طويلة مع سمنة وقطر وصبغة حمرا وجبنة نابلسية منقوعة منيح، وعادةً بتتزين بالفستق الحلبي والقطر ع الوج.

وين بتلاقوها؟

بيت الكنافة النابلسية: 033 996 71

٣. الكنافة ع شوكولا

أكتر حدا انشهر بهل اختراع هوي لاباي دور L’abeille D’or يلي بيتفنن بكعكة الكنافة على الأصول مع حشوة شوكولا غير شكل لأصحاب الضرس الحلو. وكتار غيرو كفو بهل مشوار خاصةً بعد ما لاقا إعجاب كبير من قبل اللبنانية يلي عطول بحبو يجربوا إختراعات الكنافة.

وين بتلاقوها؟

لاباي دور: 880 911 09
كنافة كلوب: 979 556 03

٤. كرواسون كنافة

هل اختراع هوي لبناني بحت، لأن اللبناني معود كل يوم يطلع بأفكار جديدة ومن القصص المبتكرة لي بيعملها هيي الإختراعات بالكرواسون ومن بين هل اختراعات منحكي عن الكرواسون المحشية كنافة مع جبنة دايبة وقطر. شي بشق النفس!

وين بتلاقوها؟

ال سي سويت: 444 292 01
ذا اوريجينال كنافة: 931 741 71

٥. كنافة بالبوظة

يلي بحب الكنافة ويلي بحب البوظة في يدوق أطيب إختراع بيجمع التنين سوا بس عنا لبنان. طعمة البوظة والكنافة رح تدوب بتمكن وتمنحكن شعور منعش لا يقاوم.

وين بتلاقوها؟

كنف: 558 231 71

شوفوا كمان، ٦ سناكات ضروري تجربوهن بجونية.