جولة سياحية بقلب طرابلس القديمة

يلا، جهزوا حالكن لجولة مشوقة بطرابلس القديمة! رح نعمل جولة سياحية بطرابلس القديمة، نسرح على السوق وبين القلعة و التاريخ ونتمتع بريحة الحلويات وعجقة الناس الطيبة. طرابلس من أقدم المدن بالعالم، وبكل زاوية فيها بتلاقوا تاريخ وجمال طبيعي. جاهزين نعرفكن على ٦ أماكن حلوة رح تتمتعوا فيها بالجو القديم وأصالة هالمدينة الرائعة!

١. عكرة

بلشوا نهاركن بترويقة تراثية بالسوق القديم مع صحون طرابلسية على أنواعها وجو بلدي أصيل! فول وفتة وبيض وجبنة ولبنة مع خضرا ومسبحة وخبز سخن وغيرها كتير من الصحون المغنجة المنهنهة.

الرقم: 500 438 06

٢. الحلاب

كفوا نهاركن بزيارة محل الحلو الأشهر بالمنطقة وبلبنان، المعروف كمان بإسم “قصر الحلو”. بيتميز بجمال ديكورو و بتشكيلة لذيذة من الحلويات العربية. كمان بيقدم أطباق لبنانية أصيلة، إطلبوا طبق اللحم بعجين على الغدا مع صوص دبس الرمان وكعكة كنافة على التحلاية.

الرقم: 1881

٣. سوق طرابلس

بعدها كفوا مشواركن عالسوق التقليدي بطرابلس لتجربة تراثية ما بتنتسى! السوق قديم وعطول في عجقة. عندو روح شعبية مميزة وبكل فشخة بتتعرفوا على ناس طيبة. زوروا الخانات المشهورة متل “خان الخياطين” و”خان الصابون”، لي هني أنسب شي لتجيبوا هدايا وتذكارات مميزة.

٤. سمكة حرة طرابلسية

معقول تجوا على طرابلس وما تدوقوا سنادويش السمكة الحرة المشهورين فيها! تفضلوا على أطيب ساندويش سمكة حرة بالعالم مع صحون قريدس طازة ومأكولات بحرية لا أطيب عند مطعم أبو فادي.

الرقم: 316 000 70

٥. قلعة ريمون دو سان جيل

كفوا جولتكن السياحية على القلعة الشهيرة الموجودة على تلة طرابلس. هالموقع التاريخي مشهور بعمارتو التراثية ومدخلو الرائع لي بيتضمن ٣ بوابات أثرية (وحدة عثمانية، ووحدة مملوكية، ووحدة صليبية) ولكل وحدة قصة بخبروكن عنا.

٤. حلويات السوق

ضروري إنتو وبالسوق الأثري تاكلوا الحلويات الطرابلسية متل الكعكة الطرابلسية على الفحم، مع كباية ليموناضة وحتى فيكن تجربوا حلو اللوقوم لي بيشبه الراحة مع بسكويت.

٥. محطة التران المهجورة

ما تنسوا تزوروا محطة القطار الشهيرة لي تركها الزمن وتتصوروا حدها.

٦. المينا التاريخي

ختموا جولتكن بزيارة مينا طرابلس الأثري. تجولوا بالشوارع المرصوفة بالحجارة العتيقة واختاروا تقعدوا بحيلا كافيه من الكافيهات الموجودة ع طريقكن، لتختموا يومكن بفنجان قهوة أو شاي أو حتى بمشروب بارد ومنعش وسط جو أثري ومناظر مميزة على البحر.

خبرونا بالتعليقات، عجبتكن هل جولة سياحية بطرابلس؟

شوفوا كمان، جولة سياحية بقلب صيدا القديمة.