٥ مطاعم بأحلى قعدة بين وراق الخريف

عبالكن غدا طيب على قعدة بالطبيعة مغمورة بألوان الخريف؟ بهل طقس اللطيف، خلونا نروح مشوار حلو بلبنان. مشوا معنا نتعرف سوا على ٥ مطاعم بأحلى قعدة بين وراق الخريف.

1. Root 829 ، حصرون

مطعم مميز بوردة الجبل حصرون، ضيعة ساحرة الجمال بالخريف. عندن قعدة بين وراق الخريف، تحت الشجر وبين الوراق الصفرا والحمرا، وأكل طيب بيعطي دفى من برغر وبيتزا وترويقة وكمان حلويات.

الرقم: 829 000 71

2. بيوماس، جربتا

مطعم مميز بالهوا الطلق، عندو قعدة بين الشجر والبساتين. بيعمل بوفيهات من أكل بيتوتي وموسمي، وكتير مناسب لضهرة مع العيلة بالخريف.

الرقم: 532 532 03

3. وادي شمسين، برالياس

البقاع من أحلى المناطق بالخريف، وهالمطعم مغمور بجنينات ساحرة الجمال بهل وقت من السنة. ألوان الشجر الدافية مع مناظر سهل البقاع، مع سفرة الأكل التقليدي بالمنطقة، وجو العيلة الحلو ناطركن عند وادي شمسين بضيعة برالياس.

الرقم: 377 677 71

4. ماريولينو، البترون

في أدفى من الأطباق الإيطالية من بيتزا على الحطب وباستا كريمي؟ ماريولينو رح يحلي مشواركن بالبترون، عندو قعدة تحت شجر الخريف، سهريات لطيفة بهل طقس، وقعدة رومانسية غير شكل مع كاس نبيد.

الرقم: 555 766 76

5. Le Télégraphe De Belle-Vue، بحمدون

معصرة نبيد ومطعم رومانسي بين كروم العنب. مزيّن بألوان الخريف الدافية والطبيعة الساحرة ببحمدون.

بتجربوا أطباق شهية، نبيد محلي، طبخات طيبة، على أحلى قعدة خريفية رومانسية.

الرقم: 383 628 70

شوفوا كمان، ٥ كافيهات لازم تزوروهن بهل طقس الخريفي