٥ محلات بيتزا لازم تجربوها ببيروت

مين عبالوا بيتزا؟ لكل عشاق البيتزا والجبنة والصوص الحمرا لقينالكن ه محلات بيعملوا بيتزا غير شكل بقلب بيروت.

١.بيتزا 360 360° Pizza & Fries، مينة الحصن

المحل المعروف بالبيتزا السبيسيال والعملاقة يلي بيعملها! على مختلف النكهات والأحجام، العجينة كتير طيبة وكل المكونات طازة. بيتزا 60° أو حتى 360° حسب قدي ضارب الجوع!

وما تنسوا البطاطا اللبنانية المنزلية. حبات كبيرة من البطاطا المقرمشة بشكل مثالي فيكن تغمسوها بصلصاتن المنزلية اللذيذة.

الرقم: 131 715 81

٢. فور Four، مار مخايل

مخبز بالنهار وبيتزاريا بالليل، هل محل من أهضم المحلات بمار مخايل. عشاق البيتزا بلاقوا عندو كل النكهات والعجينة ولا أطيب من هيك ما فيكن تقاومها.

من القصص الطيبة لي لازم تجربوها الكنافة والبيتزا ديافولا المشوية ع الحطب. وحتى فيكن تقصدوهن وقت الhappy hour كل يوم من الساعة 4 للساعة 7 المسا وتستفيدوا من الخدمة المميزة.

الرقم: 414 322 81

٣. بيتزا غايز Pizza Guys، الجميزة

هوي المكان المثالي لكل حدا عم يتوحم ياكل بيتزا إيطالية ببيروت، فيكن تطلبوا بيتزا بالقطعة أو كاملة، وفيكن تطلبوا بفور شيز، أو بخضرا، أو بببروني أو حيلا شي تاني، الطعمة رح تاخدلكن عقلكن.

تركوا محل للحلو لأن عنجد الكالزون ع شوكولا لي بيعملوا ما فيكن تقاوموا، شي كتير كريمي ولذيذ.

الرقم: 119 585 03

٤. بيتزا فاكتوري Pizza Factory، حارة حريك

يعني شو بدنا نخبركن عن هل محل، عدا عن إنو القعدة كتير مهضومة وهيك ما صرلو زمان فاتح وبيعمل كل الطعمات لي بتحبوها بحجم كبير وبشبع كمان بيعملولكن بيتزتكن الخاصة إذا حبيتوا.

شوفوا العروضات لي عندن، هل شهر عم بقدموا كل 2 بيتزا ب14$.

الرقم: 019 504 03

٥. سانتو بيتزا بار Santo Pizza Bar، مار مخايل

بهل محل رح تلاقوا نهكات كلاسيكية ونكهات جديدة حسب المود بتطلبوا. عندن كمان أطباق تانية متل الساندويشات وقصص سريعة.

جربوا الميني بيتزا إذا عبالكن كذا قطعة من أكتر من نكهة. عجينتو رقيقة وبتشهي ومكوناتو كلها طازة، ف النتيجة بيتزا من العمر!

الرقم: 738 644 70

شوفوا كمان، ٥ مطاعم بيعملوا أكلة الفوارغ بلبنان.