ياقوت بالسوق: مطعم لبناني على بلكون بناية أثرية

ياقوت بالسوق مطعم مميز قاعد بقلب بيت عتيق بطرابلس وجايبلكن تجربة البيت الطرابلسي على الأصول!

بس تفوتوا رح تستغربوا لأن هل مطعم منو متل باقي المطاعم، رح تشموا ريحة بيت الضيعة وشراشف التيتا وقهوة التيتا… هوي بقلب طابق ببناية عتيقة أثرية عمرها حوالي ال100 سنة بطرابلس وهل شي مقصود ليحسسكن بالشعور لي كنتوا تحسوا بس تروحوا عند بيت التيتا والجدو.

هل مطعم إسمو ياقوت بالسوق وهوي فرع جديد لبيت ياقوت بتلاقوا بشارع العازمي بطرابلس وبقدملكن طبق يومي من الصبح لعشية!

رح تنبسطوا بكل التفاصيل البسيطة الطرابلسية بهل بيت من نافورة المي للقعدة على بلكون البناية للأكلات الشعبية الطرابلسية متل الكبة الطرابلسية وطبخات البيوت.

يعني صراحة بتحسوا حالكن عايشين ببيت من بيوت الزمن الجميل، إيام الخمسينات، نافورة المي بنص الصالون والحياة ماشية على رواق وعلى الهدا ما في لا هم ولا غم وفيروز عم بتغني.

هل مطعم بيتميز بأكلة طرابلسية غير شكل إسمها رمش الغزال مع خبز محمص على الوج شي بشق القلب. جربوا كمان الطبخات البيتوتية لي بتحبوها وفيكن كامن تسردوها على المشاوي وأطباق المازة اللبنانية.

لك حتى الغراسين بيلبسوا متل الزي التقليدي لطيران الشوق الأوسط لتحسوا حالكن فعلاً رجعتوا على الستينات وقت لبنان كان عايش بالبحبوحة وسلام.

بس تخصلوا بتحلوا ضرسكن بأطيب الحلو البيتوتي متل المغلي وغزل البنات وشراب الورد، المربي والمهلبية مع فواكة الموسم وفنجان شاي لتهضموا الأكلات.

عنجد ياقوت بالسوق في ريحة بيت التيتا والجدو!

الرقم: 418 431 76

شوفوا كمان، ٥ كافيهات لازم تزوروهن بهل طقس الخريفي.