أحلى ٧ كافيهات بشارع مار مخايل

لأنو خبرناكن عن أجمل الكافيهات بشارع الحمرا، خلونا اليوم نكمل برمتنا على كافيهات بيروت ونكتشف شو مخبى بالمدينة. لكل عشاق قعدة القهاوي والقهوة الطيبة، خلونا ندلكن على أحلى ٧ كافيهات بشارع مار مخايل. 

1. Beyt 

هالكافيه عبارة عن بيت بيروتي قديم ساحر الجمال، عندو بلكون بيطل على أجمل البنايات القديمة بشارع مار مخايل. مكان بجو تراثي ورومانسي رايق. 

عندن قهوة طيبة، حلويات خفيفة، وبيتميز بقعدة جنينة تحت الشجر وبين الورد بتنسيكن إنكن ببيروت. 

الرقم: 390 761 76

2. Kalei

كافيه رايق ولطيف كتير بمار مخايل، عندن قعدة حلوة للشغل أو الدرس وبيقدموا قهوة مميزة. 

الرقم: 342 780 03 

3. Cluster 

هالكافيه زغير ومليان فن وخضار، بتحسوا بالراحة النفسية مجرد ما تقعدوا فيه. بيقدم منيو لأطباق ومشروبات بخلطات طبيعية ولمسات فنية.

الرقم: 554 423 70 

4. Caffeine

مكان مميز بتفوح منو ريحة القهوة الطازة بشارع مار مخايل. قعدتو كتير لزيزة على الصبح، هيك بتبلشوا نهاركن صح مع فنجان قهوة سادة وكرواسون طيبة. 

الرقم: 360 446 01 

5. Orenda

كافيه مهضوم ولطيف قعدتو بتذكركن بجمال الربيع. عندو جنينة خضرة وفيها ورد، تفاصيل بيتوتية، وأطباق شهية وخفيفة. 

الرقم: 886 927 03 

6.  Flat white

إذا انتو من محبي قهوة الفلات وايت، أو عبالكن تجربوا قهوة غنية بشكل فريد، هالكافيه ناطرتكن بمار مخايل على قعدة رايقة وتجربة مميزة. 

الرقم: 191 990 70  

7. The Slow 

كافيه غير شكل لتهربوا من العجقة على مطرح هادي ومميز. عندن قعدة مريحة وجو لطيف وقهوة مع أطباق طيبة. 

الرقم: 470 858 76 

وانتو خبرونا بالتعليقات، شو بعد بتعرفوا كافيهات بشارع مار مخايل مجربينها وبتحبوها؟

شوفوا كمان، ٥ كافيهات لازم تزوروهن بهل طقس الخريفي