أحلى ٦ كافيهات بشارع الحمرا

شارع الحمرا أشهر شارع ببيروت، إنكتبت عنو الأغاني والأشعار، بيحمل تاريخ غني وتراثي بيروتي بكل زاوية فيه. وأد ما منحب هالشارع، قررنا اليوم نبرم فيه، بين العمار القديم والبنايات التاريخية لنخبركن عن أحلى ٦ كافيهات بشارع الحمرا.

1. Kalei Coffee

كافيه بقلب بيت بيروتي قديم، عندو جو مكنكن وقعدة جنينة مهضومة. بيقدم قهوة مميزة وحلويات طيبة وجو رايق على الآخر.

الرقم: 342 780 03

2. كافيه يونس

كافيه يونس عندو أطيب قهوة ببيروت! والحلو انو فرعه بالحمرا فيه جنينة حلوة ومخباية عن العجقة، قعدة دقة قديمة وجو كتير لطيف.

الرقم: 654 741 01

3. دار الوردية

كافيه مكنكن ولطيف مخبى بالحمرا بين ريحة الياسمين والورد. عندو ترويقة طيبة وقهوة على أطيب!

الرقم: 372 233 71

4. Barzakh

كافيه برزخ عندو منيو قهوة وحلويات طيبة، ومكتبة فيها كتب متنوعة بمختلف اللغات. اللي بيميز هالكافيه انو كتير هادي، والكل بيقصدوا للقهوة الطيبة والقعدة الرايقة للشغل أو الدرس.

الرقم: 472 909 78

5. Diell Beirut

قهوة كتير مهضومة لتقصدوها الصبح قبل ما تروحوا على الشغل، وتبلشوا نهاركن صح بترويقة خفيفة وقهوة بمزمز قلبكن فيها.

الرقم: 927 272 81

6. Edda Arabica Coffee

كافيه بتجربوا فيها أطيب خلطات القهوة الغنية والنكهات العالمية. المحل عندن مليان ورد وزهر، فيتقعدوا وبتروقوا راسكن على الآخر.

الرقم: 761 888 81

وانتو خبرونا، شو بعد بتعرفوا كافيهات بشارع الحمرا جربتوها وحبيتوها؟

شوفوا كمان، ٦ مطارح ببيروت بتحسسّكن إنكن بالطبيعة