٤ محلات بيعملوا حلو الداعوقية بلبنان

مين محبوب البيارتي الأول؟ هوي فخر الصناعة البيروتية وفخر الحلويات اللبنانية. عن الداعوقية عم نحكي أو مفروكة الفستق الحلبي لي بتجمع بين الفستق اللذيذ والقشطة الطازة. خلونا نعرفكن على ٤ محلات بيعملوا أطيب داعوقية بلبنان!

١. حلويات الداعوق، الكولا

معقول يكونوا بيت الداعوق هني لي اخترعوا هل حلو ولهيك صار إسمها الداعوقية؟ الداعوق ملك الداعوقية من دون منازع، هالطبق الحلو ما فيكن تقاموا رغم دسامتو. مألف من طبقات فستق حلبي مع قشطة طازة بتدوب بالتم!

الرقم: 203 300 01

٢. حلويات التوم، حلبا

الداعوقية عندن عبارة عن طبقات فستق حلبي مع صوص القشطة الروعة والمنظر لي لإلها كتير رح بيجذبكن من أول نظرة. هيدا العشق البيروتي الأصيل رح تلاقوا كمان بالشمال!

الرقم: 244 696 06

٣. حلويات المكاري، عائشة بكار

كعكة مفروكة بفستق أو “داعوقية بيروتية” محشية قشطة بيضا بتشق القلب مع مكسرات ناطرتكن عند هل محل. طعمتها غير شكل بتحلي القلب وبتشيل الهم!

الرقم: 785 817 01

٤. حلويات الربيعة، صيدا

عبارة عن أطيب طبقات الفستق الحلبي مع كمية غنية من المكسرات وأكيد، القشطة الطازة الكريمية. ضروري تجربوها!

الرقم: 777 727 07

شوفوا كمان، محلات بيعملوا شاورما بخبز مرقوق بلبنان.