٥ محلات بيعملوا شاورما بخبز مرقوق بلبنان

لكل عشاق الشاورما، اخترنالكن أطيب المطاعم لي بيعملوا شاورما بخبز مرقوق بلبنان!

١. شاورما أبو العود

هل محل بقدم شاورما مرقوق على الطريقة البيتوتية ولا أطيب من هيك طعمة. دجاج وكبيس وتوم وحر مع بطاطا ملفوفين بخبز مرقوق بشق القلب. ومش بس هيك شاورما اللحمة عندو بتشهي بتجي بقلب خبز عربي ومع تتبيلة وخضرا طازة بتشق النفس.

الفرع الأول: الضاحية
الرقم: 203 888 81

الفرع التاني: كفررمان
الرقم: 201 888 81

الفرع التالت: خلدة
الرقم: 017 052 70

٢. واحد شاورما، حالات

هل محل المضهوم عبارة عن كنز مليان شاورما وعندن اختراعات بالشاورما غير شكل! و مش مكتفين بالشاورما العادية، عندن قصص جديدة وشهية متل الشاورما التركية والشاورما بالتاكوس وقصص هيك مميزة. الأهم من هيدا كلو إنو فيكن تاكلوا ساندويشتكن بالخبز المرقوق وتستطعموا بكل لقمة دجاج!

الرقم: 676 707 03

٣. شاورمتي

الشاورما عند هل محل ولا أطيب من هيك! فيكن تطلبوها بخبز عادي أو خبز مرقوق، والأكيد إنو رح تاكلوا أطيب بطاطا مقلية. عندن كمان إشيا مميزة متل الشاورما ترافل والشاورما المكسيكية لي بتجي مع غواكامولي وحتى التوم عندو بجنن بيعملوا على إيدن.

الفرع الأول: زوق مصبح
الرقم: 114 548 81

الفرع التاني: زلقا
الرقم: 124 548 81

٤. شاورما الصفا، حمانا

جربوا أطيب شاورما بخبز مرقوق مع صحن بطاطا وكبيس شي بشق النفس والحلو بهل محل إنو الساندويش كبيرة وحرزانة.

الرقم: 951 557 05

٥. بس شاورما، كفررمان-النبطية

إذا عبالكن شي جديد، جربوا الشاورما على الفحم إكسترا توم بقلب خبز مرقوق محمص. كل كدشة أطيب من التانية! وهل محل بقدملكن كمان كريسبي شاورما مع بطاطا وجبنة وصحن شاورما لحمة مشوية على الفحمة وقصص كتير طيبة.

الرقم: 862 125 79

شوفوا كمان، ٥ محلات بحضروا ترويقة بيتوتية بالضيعة.