١٣ من أهضم الذكريات اللي منعيشها مع كل إم لبنانية

كلنا مرقنا بنفس اللحظات وعشنا نفس الذكريات مع إمّاتنا اللبنانية، كأنن مبرمجين نفس الشي، نسخة عن بعض بالأحاديث وطريقة الحكي والتصرفات والنرفزات. خلونا نرجع شوي، ونشوف 13 من أهضم الذكريات اللي منعيشها مع كل إم لبنانية.

1. لما نروح زيارة عند حدا ومن أول مرة نتضيّف من الضيافة

بتبلش نظراتها المخيفة من فوق لتحت، وتقلنا “جرصتوني” و”حسابكن بعدين بالبيت”.

2. لما تخبروها سر، وتاني نهار تلاقوا خالتكن عم تحكي بالموضوع

وانتو بتحسوا بالخيانة العظمى وإنو خلص ما بقى تخبروها شي، بس كل مرة بترجعوا بتخبروها وبيصير نفس السيناريو.

3. لما تفيقنا 6 الصبح لأنو عنا موعد على الساعة 10

إذا ما بتفيقوا من طلوع الضو يعني تأخرتوا

4. لما نساعدها كل النهار حتى بالآخر يطلع معها انو ما في حدا بيساعدها بالبيت

كل يوم نفس النغمة

5. لما كل شوي تقول بدها تفل من البيت

وبتنسى الخبرية بعد 5 ثواني ولا كأنوا صار شي

6. لما تكون بدها تعيطلكن، بس بتقول اسم خيكن وجدكن وحتى اسم ابن الجيران قبل إسمكن

بتعمل مرقة سريعة على الكل

7. لما تتفاجأ للمرة المليون انو ما بتحبوا البامية

“أي ما طول عمركن بتاكولها”

8. لما يكون عندكن إمتحانات وتجبلكن صحن الفواكة

أفخم لحظة!

9. لما تتخانق معكن بس تلاقوها عم تعمل أكتر أكلة بتحبوها

وبتصيروا تحسوا بالذنب

10. لما تتركن لحالكن مع الضيوف لتعمل القهوة

كل دقيقة بتحسوها 10، وبتوصل لمرحلة بيخلصوا الأحاديث وهي بعدها ما إجت

11. لما تقول انو كانت تلبسكن أحلى تياب

بس هيك كان شكلكن

12. لما يقلها الحكيم لازم ترتاحي وتاني نهار تلاقوها عم تغسّل حيطان وتشطف السقف

“إي ما صرنا زمان ما شطفنا السقف”

13. لما توقعوا على الأرض وتتوجعوا، وتجي الوجعة التانية لما تعيط عليكن

بتبطل تحسوا بوجع الوقعة

مستحيل ما تكون كل إم لبنانية عاملة هالقصص! وخبرونا بالتعليقات، انتو إمكن شو بتعمل كمان؟ وما تنسوا المنشن لأمكن!

شوفوا كمان،أضرب ١٢ شغلة كانت تصير معنا أيام المدرسة!