٥ محلات كوكتيل لازم تجربوها بلبنان

ما في أطيب من إنو تنبسطوا بعد الضهر بكاسة كوكتيل غير شكل، وخصوصي إذا كانت مليانة فواكة وصوص أفوكا وقشطة وعسل. عنجد الكوكتيل بيتميز بأدي خفيف وبشهي، لهيك نحنا حنخبركن اليوم وين بتقدروا تجربوا أطيب كوكتيلات بلبنان.

١. إيكو جوس Eco Juice، برج حمود

هل محل المهضوم بيحضر أطيب كوكتيلات معمولة من فواكة فريش وصوص الأفوكا الغنية. عندن كمان صحون فواكة مشكلة طازة.

الرقم: 231 261 01

٢. توب فريش كوكتيلز Top Fresh Cocktails، أنطلياس

هل محل بيتميز إنو بيعمل كوكتيل على الطريقة البيتوتية، كل شي معمول من حواضر البيت من صوص القشطة للفواكة البلدية للعسل الجبلي. رح تلاقوا كل الطعمات والألوان لي بتحلموا فيها.

الرقم: 504 777 81

٣. ليتشي كوكتيل Litchi Cocktail، بطرام

هل محل ما صرلو زمان فاتح وعندو بوظة وكوكتيلات أد ما بدكن. محبي الفواكة والقعدات الرايقة مع الأصحاب رح يلاقوا مقصدن الجديد بهل محل. تعو خدوا شوية فرح وطاقة بهل محل وعبوا بطنكن بكل أنواع الفواكة والصوصات المميزة والكريمية.

الرقم: 887 815 71

٤. كربيتنا Crepetna، كفور

هل محل المهضوم عندو قعدة ملونة رح تاخدكن عقلكن. جربوا عندو البوظة والكريب أو كاسة كوكتيل معرمة مع فواكة على الوج بتبورد القلب والروح.

الرقم: 367 656 76

٥. ب فريش كوكتيل Bfreshcocktails، الأشرفية

بي فريش محل كتير مهضوم ومرتب وخرج هيك قعدة أصحاب خفيفة نضيفة آخر الضهرة. ومجرد ما تدخلوا على المحل، ما رح يجي عبالكن غير فواكة فريش لتتحلوا. كوكتيل مع حبات فواكة على الوج وشوية قشطة لأصحاب القلب القوي شي روعة!

الرقم: 822 187 01

شوفوا كمان، محلات بيعملوا سندويشات سجق بلبنان.