٤ نشاطات غريبة لازم تجربوها هالخريف بلبنان

يلي عبالو يجرب قصص جديدة وغريبة هالخريف، هاي البعض من النشاطات المهضومه بلبنان هل فترة.

١. حمام التلج بنص الغابة

بس تزوروا Nomads Nature and Nurture بالشوف رح تحسوا حالكن بشي جزيرة منعزلة عن كل شي. بس تجوا فيكن تقضوا نهار حلو وتناموا بقلب الغابة وتروقوا أعصابكن بقلب شلالات سرجبال وتتمرجحوا فوق النهر وهلق صار فيكن تعملوا حمام تلج بقلب الطبيعة وتخلوا كل التوتر يطلع من جسمكن.

الرقم: 709 370 76

٢. نومة بقلب مغارة معلقة بحبال الهوا

بيت ذا لوست كايف The Lost Cave بقرطبا عبارة عن مغارة طبيعية موجودة بقلب غابات قرطبا، محاطة بالمي والشلالات. إذا عبالكن مغامرة جديدة وفريدة من نوعها، ما إلكن غير تقضوا نهار حلو وتناموا بقلب المغارة وتسمعوا صوت المي عم يغمر دينيكن كل النهار وكل الليل. وأجمل شي الجاكوزي الطبيعي يلي هوي النهر بحد ذاتو، فيكن تسبحوا أو تغطسوا إجريكن بس يجي عبالكن.

الرقم: 191 789 03

٣. تجربة البيسين الطبيعي بقلب الصخر

عيشوا أجمل إيام حياتكن بقلب بيت Ito’s Crib بتنورين التحتا واختبروا تجربة البيسين الطبيعي المعمول من الصخر لي رح يخليكن تحسوا حالكن قاعدين بشي برج قديم ويسفركن بخيالكن على بيوت الإمبراطورية الرومانية القديمة.

الرقم: 559 884 03

٤. صيدوا سمكتن وحطوها على سفرتكن

زوروا ضيعة بشري وتحديداً مطعم ثمار الجبل وعيشوا تجربة مميزة مش مجربينها من قبل. صيدوا سمكتكن الخاصة ورجعوا كلوا كل شي تصيدتوا مع العديد من الأطباق وأصناف المازة اللبنانية الشهية لي محضرين من حواضر البيت. بتحطوا الصنارة بالمي وبتطلعوا سمك على قد ما بدكن تاكلوا!

الرقم: 407 129 70

شوفوا كمان، ١٥ شغلة تعملوها مع حبيبكن بالبترون.