شوفوا كيف فيكن تقضوا نهار حلو بالهرمل

الخريف ما بيكمل من دون مشوار بقاعي مميز، بس هالمرة حبينا نروح على منطقة الهرمل، منطقة منسية بالبقاع وفيها جواهر مخباية لازم نكتشفها سوا. شوفوا معنا كيف فيكن تقضوا نهار حلو بالهرمل.لقينالكن تجارب مميزة، مطاعم ونشاطات، مواقع حلوة، وبيوت ضيافة ساحرة.

زوروا أهم المواقع السياحية والطبيعية بالهرمل:

1. تصوروا مع قاموع الهرمل الأثري اللي عمرو آلاف السنين

2. روقوا راسكن قدام نهر العاصي الصافي

نهر رح يسحركن بالشلالات الحلوة والميّ الغزيرة والسمك الطيب.

3. إكتشفوا دير مار مارون

هالدير عبارة عن كهوف تاريخية محفورة بالصخر

4. روحوا Hiking بجرود الهرمل

وإنبسطوا بمنظر خيالي لغروب الشمس من فوق

مارسوا مختلف الرياضات والأنشطة الحلوة بالهرمل:

5. عيشوا مغامرة Rafting حماسية بقلب نهر العاصي

بتقدروا تزوروا Chir Al Assi Rafting Club لتجربة Rafting بالنهار أو بالليل، وكمان عندن مطعم بيقدم مشاوي وأكل لبناني غير شكل بالطبيعة البقاعية.

الرقم: 498 020 03

6. خيموا لطلوع الضو عند بيت العاصي

بتلاقوا خيم مهضومة، جلسات بالطبيعة، تجربة Rafting، وقعدات بترد الروح.

وبتنبسطوا بأكل لبناني طيب على صوت المي الجارية لنهر العاصي.

الرقم: 748 802 70

7. عيشوا تجربة Zip-lining من فوق النهر عند منتجع زيتونة العاصي

منتجع بتلاقوا فيه شاليهات، مطعم لبناني، قعدة بالطبيعة، ونشاطات حماسية بنهر العاصي.

الرقم: 007 667 81

قضوا كم ليلة غير شكل بأجمل الأوتيلات وبيوت الضيافة بالهرمل:

8. بيوت خشب، مسبح، قعدة بالطبيعة، وكمان مطعم لبناني ناطركن عند Alkaa Country Lodge

مطرح مميز بيطل على مناظر خيالية للهرمل وبيقدم بيوت ضيافة مجهزة ومطعم عندو أكل ضيعة القاع.

الرقم: 271 778 03

9. بيت ضيافة بنص الطبيعة ناطركن عند Lazzab Ecolodge

بيت ضيعة بعيد عن العالم، عندو ترويقة لبنانية طيبة، جو الريف، ومناظر جبلية خلابة.

الرقم: 915 146 71

10. أوتيل لازورد من أفضل الأوتيلات بالمنطقة وبيقدم أحلى الخدمات لتقضوا ليالي مميزة

أكل طيب ومسبح كبير وجو عائلي وغرف مع تراسات وبلكونات ساحرة.

الرقم: 747 686 03

شوفوا كمان، مشوار على ١٥ من أطيب مطاعم البقاع