١١ محل فيكن تشوفوا منن المغيب ببلاش بلبنان

شو في أحلى من منطر المغيب والدردشة مع الأصحاب بمحلات بتشيل الهم عن القلب؟

لأن زهقنا من قعدات المطاعم والبارات والبيسينات لي هني ذاتن، رح ندلكن اليوم على ١١ محل فيكن تشوفوا المغيب والمناظر الطبيعية الساحرة ببلاش بلبنان.

١. تمشوا على شط عمشيت، تصيدوا سمك وتفرجوا على الغروب من بعيد

٢. روحوا على سيدة البحر بالبترون وتفرجوا على الشمس عم تغيب ورا البحر من هل نقطة المميزة

٣. تفرجوا على المغيب من قلب بيروت قبال صخرة الروشة واسرحوا بأفكاركن لبعيد

٤. اطلعوا على جرد ضيعة فالوغا وتفرجوا على المغيب عم ينعكس على برك المي

٥.زوروا تمثال مار شربل بفاريا وتفرجوا على المغيب ورا جبال فاريا المجيدة 

٦. اطلعوا على ضيعة صوفر وتفرجوا على المغيب عم يغمر ورق الشجر الأصفر

٧.تمشوا على سنسول جبيل وتفرجوا على الشمس عم تغيب ورا البحر على الهدا

٨. زوروا سيدة حريصا وتفرجوا على الشمس عم تختفي ورا البحر وتأملوا خليج جونية كلو

٩. قضوا نهار على بحر صور وبس تبلش تغيب الشمس وقفوا كل شي عم تعملوا وودعوا الشمس خلف البحر

١٠.اطلعوا على سيدة الحصن بإهدن وتفرجوا على الوادي كلو قبالكن وقت المغيب: جنات على مد عينكن والنظر!

١١. وقفوا على أجمل مكان بالأرز بقولولوا لا جوتي La Jetée بتشوفوا منو لوحة فنية عم تنرسم بقلب وادي قنوبين

شوفوا كمان، ٥ مطاعم خريفية مع قعدة مكنكنة.