٥ محلات سندويشات دجاج ع الفحم غير شكل

محبي الدجاج والتوم المدعوم، ضروري تجربوا هل محلات لي فوق الخيال وتعطونا رأيكن.

١. العبدالله

معروف فروج العبدالله قدي طيب وقدي فروج الدجاج عندو طازة بس الناس ما بتعرف بعد قدي سندويشات الدجاج على الفحم عندو طيبة كمان وبتقرش قرش بقلب خبزة محمصة.

الفرع الأول: الشياح
الفرع التاني: جل الديب
الرقم: 1294

٢. أطيب فروج

سندويشات على أنواعها من الشاورما دجاج لسندويش الشاورما اللحمة مع طرطور، وسندويش دجاج مع توم مدعوم. رح تنغرموا بقديش بتكون طازة وبسيطة، بخبزة طيبة ومحمصة ع الوج ومكونات أطيب.

الفرع الأول: حارة حريك
الرقم: 582 555 01

الفرع التاني: خلدة
الرقم: 118 800 05

الفرع التالت: الدورا
الرقم: 118 800 05

٣. فروج لالا Lala Chicken، الأشرفية

لما تزوروا فروج لالا، السندويشات رح تذكركن بإيام زمان من اللقمة الطيبة، للنضافة، للتبيلة الغنية. حتى القعدة كتير مهضومة، وكتار بياكلو اللقمة على الواقف. سندوش الدجاج على الفحم عندو معروفة بكل المنطقة ولا أطيب من هيك مع كبيس وتوم مدعوم وخبزة محمصة.

الرقم: 986 203 01

٤. البواري شمعون، جونية

عند البواري الفروج مشوي على فحم سنديان أصيل لتطلع طعمتو ولا ألذ من هيك، حتى التوم عندو محضر على الإيد وبتاكلوا صابيعكن ورا. السندويش خفيفة نضيفة فيها دجاج مشوي على الفحم، محمر منيح على المنقل وبينزدلها توم ولا أطيب وحبات كبيس طازة.

العنوان: أوتوستراد جونية
الرقم: 822 399 03

٥. فخري تشيكن

لي منو دايق فخري أكيد ما بيعرف طعمة تمو. سندويش الدجاج بتجي عندن ملغومة توم ومحشية كبيس، يعني عنجد لو بتبرموا لبنان كلو ما رح تلاقوا متلا، التوم لي عندو معمول على الإيد والدجاج محضر بتتبيلة خاصة بالمحل!

الفرع الأول: الحازمية
الرقم: 988 454 05

الفرع التاني: المنصورية
الرقم: 829 654 01

شوفوا كمان، ٤ محلات بحضروا كاسة مغلي بيتوتية.