شوفوا ملا خبرية! صار في ملكة جمال عاملات المنزل بلبنان

صح متل ما سمعتوا، صار في ملكة جمال عاملات المنزل بلبنان وتحديداً عند يلي حاملين الجنسية الفلبينية. وهل مسابقة حدثت بنسختها الرابعة هل سنة وشاركت فيها ١١ عاملة فلبينية.

@alarabiya

#حكايتي_على_العربية | مسابقة فريدة لاختيار ملكة جمال عاملات المنازل الفلبينيات في #لبنان.. جوائز مالية وعينية للمتسابقات #العربية

♬ original sound – العربية

وهل خبر نشرتو قناة العربية والفكرة منو”مسابقة إنسانية” عم بتحاول “تتحدى الواقع النمطي لعاملات البيوت بلبنان”.

توجت العاملة المنزلية مليتا كويجا باللقب لسنة 2023 وحصلت على التاج الملكي وهيك تفوقت على 11 متنافسة وتلقت مبلغ 1000$ بالإضافة لبعض الهدايا العينية نتيجة فوزها باللقب.

هل حفل كان بحضور ورعاية سفير الفلبين بلبنان وبعض الشخصيات الوجاهية.

المسابقة هدفها تغيير الصورة النمطية الموجودة عن عاملات البيوت بلبنان، بس من الصعب التغاضي وتجاهل الواقع المظلم يلي عم يتعرضوا إلو العاملات تحت نظام كفالة الاستغلالي وبسبب استبعادن عن قانون العمل اللبناني، الأمر لي بخلين عرضة للظلم، للعمل القسري، والاتجار بالبشر.

وعلى فكرة، تعتبر جمعية This is Lebanon من الجمعيات لي كتير قلال لي تعنى بالتبليغ عن الجرايم الفظيعة لي بتتعرضلها عاملات المنزل بلبنان. لتعرفوا أكتر عن هل جمعية اضغطوا على هل رابط هون.