شو ناطركن بالضيعة؟ مشوار على أطيب ١٠ مطاعم بضيع حول لبنان

عبالكن غدا مميز بقلب الضيعة؟ مشوا ناخدكن مشوار على أطيب ١٠ مطاعم بالضيعة بأحلى قعدة وأروق جو!

1. الكوارة، كفرقطرة

مطعم على موديل الضيعة بمنطقة الشوف، بيقدم منيو طيبة من أكل نباتي لبناني. المكونات طازة من الأرض والقعدة كتير رايقة بقلب بيت ضيعة قديم.

الرقم: 290 424 03

2. بيت القمر، دير القمر

عبالكن بوفيهات من أكل ضيعة وطبخات تقليدية مميزة؟ ضروري تجربوا بيت القمر بمشواركن على ضيعة دير القمر، عندو قعدة ضيعة بالهوا الطلق والطبيعة الخضرة بتاخد العقل.

الرقم: 411 661 03

3.مطعم بيت سومر، الدبية

مطعم مميز لتاكلوا برغر وشاورما وبيتزا على طريقة بيتوتية وطيبة، وعندو فيو حلوة للضيعة وقعدة بالجنينة مهضومة ورايقة.

الرقم: 189 365 03

4. كيف جزين، جزين

جوهرة مخفية بضيعة جزين، عبارة عن مزرعة ومطعم بجو ريفي مميز. بتجربوا أطباق موسمية طازة من الجنينة، بوفيهات من أكل بيتوتي، وبتنبسطوا بقعدة بين البساتين والجنينات.

الرقم: 449 441 70

5. مطعم بيو ماس، جربتا

دوقوا أطيب الطبخات اللبنانية على بوفيهات غير شكل بمطعم بيوماس. عندو غدا بالطبيعة، قعدة جنينات، وملاعب للولاد، مكان كتير مناسب للعيلة والولاد.

الرقم: 532 532 03

6. Crop، الكورة

ناطركن عند Crop بالكورة جولة مهضومة بالمزرعة، أكل بلدي وكمان عالمي، وقعدة عيلة بالهوا الطلق.

الرقم: 488 412 06

7. Jana Bio Farm مزرعة ومطعم جنى، عجلتون

عبالكن قعدة بالضيعة وجنبكن البساتين الخضرة؟ بتلاقوا عند مطعم و مزرعة جنى أكل لبناني طيب، عرق بلدي، ولحمة نية غير شكل مع منظر للطبيعة بيرد الروح.

الرقم: 100 235 70

8. الخان المقصود، تعنايل البقاع

في أحلى من المشوار على تعنايل بالخريف لتجربوا جو الضيعة واللقمة البلدية؟ مطعم الخان المقصود عندو قعدة بقاعية على أصولها وجو ريفي غير شكل.

الرقم: 279 124 03 – 881 544 08

9. Little Reed، قصيبة

مشوار مميز ناطركن ببيت التيتا والجدو بالقصيبة المتن. ليتل ريد مطعم بقلب بيت ضيعة ومزرعة بيقدم بوفيه معمول من ديات نسوان الضيعة، وعندو قعدة بالطبيعة بتاخد العقل!

الرقم: 300 007 76

10. طاولة باكيش، بسكنتا

دوقوا أطياب بسكنتا تحت شجر التفاح وحسّوا بنسمة الجبل عند طاولة باكيش. مكان عندو لقمة ضيعة، منظر للجبال، وجو للعيلة غير شكل.

الرقم: 301 767 81

وانتو، شو بتعرفوا بعد مطاعم بالضيعة؟ خبرونا بالتعليقات!

شوفوا كمان، ١٥ من أجمل بيوت الضيافة على البحر