٤ محلات بحضروا كاسة مغلي بيتوتية

الخريف يعني بدايات جديدة والبداية الجديدة يعني مغلي. ولأن ما في أطيب من المغلي بهيك طقس، رح نعرفكن على محلات بيعملوا كاسة مغلي بيتوتية غير شكل مع مكسرات.

١. أبو جهاد، جل الديب

مطعم لبناني على أصولو بقدم أطباق لبنانية أصيلة وعلى البركة، بس المفاجأة الحلوة عندو إنو بقدم كاسة مغلي سخنة مع جوز الهند وزبيب، فيكن تطلبوها مع شفة قهوة وتتحلوا بعد الغدا.

الرقم: 861 711 04

٢. أونيون Uniun Eatery

بقدم أطيب الأكلات والساندويشات السريعة والحلو مع لمسة بيتوتية وشوية حب. المغلي عندو بدفي البطن والقلب، بيتقدم سخن مع مكسرات وزبيب ورشة جوز الهند، وكتير طيب.

الفرع الأول: مار مخايل، بيروت
الرقم: 514 444 01

الفرع التاني: الحوش، صور
الرقم: 077 300 79

٣. ساليز Sally’s Homemade، صيدا

سالي بتحضر كل أنواع الحلو البيتوتي لي ربيانين علين متل المعمول، مربى قشر الصفير، وكايكات وغيرها من القصص الطيبة لي كانت الماما تحضرلنا ياهن بالبيت نحنا وزغار. وكمان من القصص لي أكتر شي مشهورة فين، كاسات المغلي لي رح تردلكن كل ذرياتكن الحلوة. فيكن تجوا على صيدا وتستلموا طلبيتكن أو تطلبوها ديلفري وين ما كنتوا بلبنان.

الرقم: 012 025 70

٤. أبو زهير حنقير، صيدا

بس تروحوا، بتتعرفوا على أهضم محل حلو بالجنوب، وبتدوقوا المغلي الصيداوي الأسطوري يلي بيعملوا. بيتبع وصفة تقليدية ومميزة من إيام جدودنا، يعني بتحسوا حالكن قاعدين على السطيحة تبع تيتا وجدو ببيت الضيعة عم تاكلوا أطيب كاسة مغلي. بتلاقوا عندو كتير قصص طيبة بيتوتية كمان متل الكاستر والسحلب والبوظة دق والمهلبية.

الرقم: 540 033 81

شوفوا كمان، ٦ محلات بيعملوا كنافة ملغومة جبنة.