ما تفوتوا عليكن معرض لبنان الدولي للكتاب هالشهر!

معارض الكتاب مقصد أساسي كل سنة لكل عشاق الكتب وهواة القراية بلبنان. كرمال هيك، جبنالكن خبرية كتير حلوة! معرض لبنان الدولي للكتاب جايي هيدا الشهر على بيروت!

هالمعرض راجع بنسخته التامنة، ورح يبلش معرض الكتاب من 13 تشرين الأول ويضل حتى 22 تشرين الأول ب مركز الفوروم للمعارض والمؤتمرات ببيروت Forum de Beyrouth. وناطركن بالمعرض مجموعات كبيرة وواسعة من الكتب بمختلف اللغات، العربية والإنكليزية والفرنسية. هالحدث فرصة مميزة لمحبي القراية ليتعرفوا على أشخاص متلن بيشاركوهن الفكر من هواة قراية أو كاتبين، ويشهدوا على الحب والشغف الكبير للكتب بلبنان.

الهدف من معرض لبنان الدولي للكتاب هو الاحتفاء بثقافة القراية والأدب بالبلد، اللي بتمثل جزء كبير من التراث اللبناني.

خبرونا، محمسين لحضور المعرض وجاهزين لتضيعوا بين رفوف الكتب؟ للمزيد من المعلومات، شوفوا حساب المعرض على إنستغرام هون، وما تنسوا تخبرونا بالتعليقات مين آخدين معكن!

شوفوا كمان، ٦ محلات كتب ببيروت بأسعار معقولة ورخيصة