أطيب ١٠ مطاعم دجاج كرسبي بأسعار وفيرة  

عبالكن كدشة دجاج مقرمشة على الآخر؟ لكل محبي الدجاج المقلي والمقرمش، خلونا ناخدكن على أطيب 10 مطاعم دجاج كرسبي بأسعار وفيرة.

1. CHKN.CO، الحمرا

تشيكن كو مطعم مميز لتجربوه إذا بتحبوا الدجاج الكرسبي على أنواعه، من أطباق الدجاج المقرمشة المحرزة للبرغر بالدجاج الكرسبي مع صوص الحر. ومش بس اسعارو حلوة بس كمان عندو عروض مميزة لطلاب الجامعات!

الرقم: 189 199 76

2. تشيكن واي ، فروع كافة

تشيكن واي عطول عندو عروضات مميزة وجودة عالية. معروف بتقديم أطيب أطباق و سندويشات الدجاج الإكسترا كرسبي، مع صوصات مميزة لتغمسوهن فيهن، والحلو انو الحصص كريمة كتير!

الرقم: 999 566 76

3. Chicks A Lot – دكوانة 

هالمطعم المميز بيقدم دجاج كرسبي أطيب من ال KFC. بتلاقوا كل شي من سندويشات دجاج مقرمشة، وجوانح مقلية، وبرغر دجاج كرسبي وكلو بأسعار حلوة.

الرقم: 346 872 81 – 060 622 71

4. BBQ House – الجناح، الشياح

هالمطعم المميز مقصد غير شكل لكل محبي الباربكيو وصوص البافلو، خصوصي إذا بتجربوا عندو برغر البافلو بالدجاج الكرسبي، طعمها غني وبيشهي.

الرقم: 558 822 01 – 057 555 01

5. ميني غيت، الفروع كافة

مطعم ميني غيت عندو أطباق جوانح مقرمشة على الآخر مع عروض نار. وكمان عندو سندويشات محرزة، وبرغر ميني روعة، ومنيو مميزة لتستمتعوا بوجبات طيبة ومتنوعة مع أصحابكن.

الرقم: 833 314 01 – 707 470 70

6. Mr. International – حرش تابت، ذوق مصبح

هالمطعم عندو وجبات محرزة وشهية من كرسبي برغر وسندويشات دجاج وجوانح مميزة. والحلو انو عطول بيعمل Open Wings لكل محبي الجوانح!

الرقم: 381 488 01 – 450 224 09

7. Popeyes ، الفروع كافة

هالمطعم مشهور بمنيو مميزة لكل محبي الدجاج المقرمش والمقلي أو لمحبي البرغر المحرزة. عندو أسعار مقبولة وأكلة دجاج بتشهي كل كدشة أطيب من التانية.

الرقم: 512 812 01

8. Classic Sandwiches ، الفروع كافة

هالمطعم عندو حصص كريمة، منيو متنوعة، أكل طيب، وكلو بأسعار خفيفة على الجيبة. مطعم مميز لتعزموا أصحابكن على دجاج كرسبي بيشهي من دون كسرة.

الرقم: 778 844 01 – 668 844 01 – 558 833 01

9. Buckit، سوديكو

إذا عبالكن مطعم بيقدم قرمشة إكسترا بكل كدشة، لازم تجربوا Buckit بالسوديكو. مطعم عندو سندويشات معرّمة وبرغر آخر قرمشة بيغلبوا أقوى ساعات الجوع.

الرقم: 686 699 03 – 353 666 01

10. كرسبي وفاهيتا ، حارة حريك

بتلاقوا عند مطعم كرسبي وفاهيتا كل شي بيخطر عبالكن من وجبات الدجاج الكرسبي. سندويشات الكرسبي المحمصة والمغطسة بالصوص، البرغر المحشية على الآخر، والبطاط المقلية على القد.

الرقم: 017 455 01 – 016 455 01

شوفوا كمان، ٨ محلات سناك بالضاحية ضروري تجربوها