٥ مطارح بتقدم أطيب غدا للمناسبات بقلب الطبيعة

ببلدنا المميز، في مطارح كتيرة سرية فيها جمال ساحر ومأكولات لذيذة. اليوم رح نخبركن عن ٥ من هل مطارح المميزين لي عم بقدموا أشهى غدوات وبوفيهات بقلب الطبيعة. بس تروحوا، رح تلمسوا جمال الجبال والبحر والأماكن الخضرا وأكلاتنا التقليدية الشهية.

١. بيت الجبل، دير القمر

هل محل عبارة عن مطعم وأوتيل قاعد بأحضان الشوف بياخد العقل. بيتميز بطابعو التراثي والتقليدي ومنظر خيالي على أجمل الوديان والجبال بمنطقة الشوف الجبلية. بهيدا البيت عدة غرف، كلهن شرحين وحلوين، جنينة مهضومة ومطعم بقدم أشهى بوفيه وغدا نهار الأحد مألف من الأطباق اللبنانية والبيتوتية.

الرقم: 767 160 71

٢. أوتيل البستان، بيت مري

فندق جبلي قاعد بمنطقة مميزة محاطة بالخضار والبرودات الحلوين. بس يطلع على بالكن تغيروا عن قعدة المطاعم لي زهقنا منا، رح تعجبكن قعدة البوفيه نهار الأحد على الغدا بقلب هل واحة الخضرا والمناظر الرائعة. بحضروا أطيب المشاوي والسلطات وملوخية على الطريقة البيتوتية!

الرقم: 000 752 03

٣. أوبيرج دو تير Auberge de Tyr، صور

بتوصلوا على صور وبتشوفوا الجمال على مد عينكن والنظر وبتتأملوا القعدات على البيسين لي قبالكن. على وقت الغدا، بتاكلوا أطيب سفرة مألفة من لقمة طيبة مع فواكي وعصير ليبورد قلبكن. وأكيد فيكن كمان ترجعوا تكفوا نهاركن على البيسين!

الرقم: 233 339 71

٤. أوتيل نيرفانا Nirvana & Shangri la Hotels، اللقلوق

المطرح الموجود في هل منتجع حلو كتير، بيكشف على كل اللقلوق يعني أحلا مناظر بقلب الطبيعة. بتقعدوا بقلب الجنينة، بتجربوا أطيب الأطباق اللبنانية، بوفيهات وطبخات تقليدية، ألعاب للولاد- كل هيدا إنتو وعم تسرحوا بالإطلالة الجبلية لي بترد الروح.

الرقم: 112 344 03

٥. طاولة بكيش، بسكنتا

هل مطعم المميز هو جزء من طاولة السوق الطيب يعني بيهدف لدعم المزارعين المحليين بالضيع. ولأنكن بتستاهلوا برودات أيلول الحلوين، القعدة بالجنينة جايبتلكن كل الأطباق والأصناف الشهية من الجنينة ونهار الأحد ناطركن بوفيه مفتوح مع أكلات بيتوتية وتحلاية على أنواعها وعصير أضرب واطرح. القعدة بين شجر التفاح بترد الروح وبتشرح القلب وبس تخلصوا بتتلقحوا على التكايات بالبستان وبترخوها.

الرقم: 301 767 81

شوفوا كمان، ٧ محلات عندن صبحية بيتوتية بلبنان.