١٥ من أجمل بيوت الضيافة على البحر

عم تفتشوا على بيوت ساحرة لتقضوا آخر أيام الصيفية؟ أو حابين تقضوا شهر عسل عالبحر من دون ما تسافروا؟ خلونا نعرفكن على ١٥ من أجمل بيوت الضيافة على البحر حول لبنان.

كسروان – جبيل:

1. بيت البحر – طبرجا، كسروان

بيت البحر واحد من أكتر بيوت الضيافة رومانسية بلبنان ومن أجمل بيوت الضيافة على البحر. عندو بلكون على منظر البحر، وترويقة على صوت الموجات غير شكل.

الرقم: 082 777 81

2. ذكرى – منصف، جبيل

بيت ذكرى بيت زغير بديكور مهضوم عالبحر بجبيل. عندو إطلالة رايقة على البحر، وقعدة على صوت الموجات.

الرقم: 623 193 03

3. Vila Vita، جونية

هالبيت الضيافة قاعد على ساحل جونية، بيقدم جاكوزي مع تراس خاص على البحر وجو صيفي مميز.

الرقم: 008 554 81

4. كالينا جوي – حالات، جبيل

هالبيت الضيافة مخبى عن العالم وعندو إطلالة رومانسية عالبحر. عندن مسبح خاص وبانيو داخل أوضة النوم وسهرة نار تحت النجوم.

الرقم: 233 122 79

الشمال:

أنفه، الكورة:

5. بيت إسكندر

بيت إسكندر بيت تراثي نايم على البحر. مكان بتشموا فيه ريحة البحر وبتحسوا فيه بالراحة النفسية. بتعيشوا أحلى اللحظات بكل وسايل الراحة، عدا عن التراسات المميزة على البحر.

الرقم: 242 709 71 – 183 896 71

6. Marse

بيت مرسي بيت أزرق مهضوم مع قعدة بتذكركن ببيت التيتا، وعندو بلكون روعة على البحر!

الرقم: 425 000 70

7. Ô Chalet

بتلاقوا بهل مطرح مطعم للمأكولات البحرية، قعدات تراس، وبيت ضيافة بأجواء بحرية غير شكل. دغري بتفيقوا الصبحيات وفيكن تنبسطوا برواق البحر على أنفه!

الرقم: 055 982 78

8. بيت فرح

بيت فرح عبارة عن بيت الأحلام السعيدة على بحر أنفه. هالبيت بيتميز بالموديل الغجري والقعدة الرايقة والموقع المميز جنب البحر.

الرقم: 176 324 79

9. O Fleur de Sel

بيت ضيافة ساحر الجمال بأنفه، قريب من الملاّحات ودغري قاعد على البحر. عندو جنينات خاصة وقعدات رومانسية وكمان مسبح خاص فيكن على البحر.

الرقم: 920 365 70

البترون:

10. E By the Sea، البترون

شاليه رومانسي نايم على البحر بالبترون. بيتمخبى بين الشوارع القديمة وعندو جو ساحر الجمال ورايق، لتتمشوا على الشط، تسبحوا بالبحر، أو تعملوا صبحية مع صوت الموجات من البلكون.

الرقم: 499 404 70

11. El Mayan Cave، حامات

شاليه متل الكهف مع جو يوناني مميز وجاكوزي، عندو قعدة فاخرة ورومانسية مع أحلى منظر للبحر.

الرقم: 444 714 81

12. Sea Salt، البترون

سي سالت بيت حجر قديم نايم على البحر بالبترون، بيتميز بإطلالة على غروب الشمس، وغرف مع قناطر وأجواء ساحرة.

الرقم: 128 333 70

13. Casa de Thoum ، تحوم

بتلاقوا Casa de Thoum بضيعة تحوم وبيتميزوا ببيوت ضيافة بتحسسكن كأنكن بمنتجع. عندن بلكون على البحر، جنينة خضرة، جاكوزي ومسبحكن الخاص، وقعدات مريحة ومهضومة.

الرقم: 386 555 76

الجنوب:

14. Saida La Vie، صيدا

في أحلى من إنو تفيقوا الصبحيات وتتمشوا على الكورنيش؟ هالبيت الضيافة بصيدا ناطركن على قعدة غير شكل على البحر وقريبة من قلعة صيدا التاريخية. للحجز، شوفوا الرابط هون.

15. Glimzi Guesthouse، صور

عبالكن تقضوا كم نهار بصور لتختموا موسم الصيف؟ Glimzi Guesthouse ناطركن بموديل شرقي وقعدة على بحر صور غير شكل.

الرقم: 799 588 71

شوفوا كمان، ١٥ من أجمل ال Boutique Hotels حول لبنان