٦ محلات بيعملوا كنافة ملغومة جبنة

مين عبالوا يبلش نهاروا بكعكة كنافة غير شكل ملغومة جبنة سايحة؟

١. أوميال Omiel، سن الفيل

بدكن كعكة طيبة وتحسوا بطعمة الجبنة عن جد؟ ما إلكن غير هل محل لي بقدم كنافة ملغومة جبنة، كنافة لبنانية بالشوكولا وكمان بالكروسان، كنافة بالقشطا وحتى في كنافة خص نص للناس لي معن سكري. عالم الكنافة رح تكمشوا بإيديكن بهيدا المحل!

الرقم: 319 000 70

٢. أمل بحصلي

من أكتر المحلات لي بتعمل كنافة ملغومة كلا ع بعضا جبنة سايحة. بتبقى الكعكة طرية وفيها قرشة حلوة وما فيكن تقاوموا هل طعمة!

الفرع الأول:قريطم
الرقم: 566 785 01

الفرع التاني: الحمرا
الرقم: 600 345 01

الفرع التالت: جل الديب
الرقم: 777 720 04

٣. كنف

بيشوي الكنافة قدامكن بيرجع بقدمها مع شوية قطر وفستق وورد. الجبنة لي فيها أحسن نوعية بس مش بس هون القصة، بس تتقدم فيكن تزيدوا عليها بوظة لتبوردوا قلبكن.

الفرع الأول: السوديكو
التاني: بدارو
الفرع التالت: عرمون
الرقم: 558 231 71

٤. حلويات البابا

محضر من طبقات جبنة سايحة وسميد وقطر، هالطبق السوبر حلو رح يرضي غرور عشاق السكر بقوة. فيكن تاكلوا هل طعمة الطيبة بالكعكة أو بالصحن وتدعموها منيح بالقطر.

الفرع الأول: صيدا
الرقم: 927 725 07

الفرع التاني: قريطم، بيروت
الرقم: 178 787 01

الفرع التالت: الطيونة
الرقم: 500 399 01

الفرع الرابع: شتورة
الرقم: 370 542 08

٥. كنافة كلوب Kunafa Club، أنطلياس

ملغومة بطبقات جبنة سايحة طرية وسميد محمر، هل كعكة السوبر روعة رح تسكت جوعكن على الآخر… ما فيكن تضاينوا أبداً على منظرها.

الرقم: 979 556 03

٦. حلويات الصفصوف، الطريق الجديدة

ضروري تجربوا كعكة الجبنة عند هل محل، كل لقمة من هل كعكة المحشية جبنة بتسيل على إيديكن ومع كل كدشة رح تدوب الجبنة لي فيها بتمكن، طبق حلو ما فيكن تقاوموا رغم دسامتو.

الرقم: 504 704 01

شوفوا كمان، هيك صارت أسعار اللحم بعجين عند أشهر المحلات بلبنان.