٧ كلمات لبنانية جاية من اللغة الإيطالية

في كتير كلمات باللبناني منسأل حالنا من وين جايين وليش هيك غريبة! طلعوا جايين من اللغة الإيطالية ونحنا مش عارفين وبقولوا بعود هل شي لإيام فخر الدين بسبب التبادل التجاري لي كان حاصل بهديك الفترة بين إيطاليا ومتصرفية جبل لبنان. تعوا نتعرف على ٧ كلمات لبنانية جاية من اللغة الإيطالية .

١. بيرا: بالإنكليزي بقولولها beer وبالطلياني Birra

٢. بازيلا: رح تتفاجؤوا بس الإيطاليي كمان بقولوا Piselli متلنا

٣. بانيو: كمان بإيطاليا بقولوا Bagno متلنا نفس الشي

٤. معكرونة: كمان جايي من كلمة Macaroni بالطلياني

٥. الفاتورة: كمان بالإيطالي بقولوا fattura

٦َ. فلانيلا: كمان جايي من الكلمة الإيطالية flanella ومش من الفرنساوي متل ما العالم مفكرة، بالفرنسي بقولولها débardeur

٧. أوتوستراد: جايي من كلمة autostrada بالطلياني والعالم مفكرتها جايي من الفرنساوي وهني بفرنسا بقولوا autoroute مش autostrade

وانتو شو بتعرفوا كلمات لبنانية أصولها أجنبية؟

شوفوا كمان، ١٢ كلمة فرنساوية وكيف صارت على اللبناني.