٣ محلات بلبنان بسفروكن على جزر المالديف

عبالكن تجربة مميزة واستثنائية تحسوا حالكن سافرتوا؟ اليوم رح ناخدكن على ٣ محلات رح يسفروكن على جزر المالديف من قلب لبنان.

١. شط سييستا La Siesta Hotel & Resort، خلدة

شط وبيسين على ستيل الأوتيلات لي بتلاقوها بالمالديف، الكراسي والطاولات والديكور والجاكوزي حيذكروكن بجمال الجزر ال exotic. فيكن تستأجروا غرف وتقضوا ليلة بقلب هل محل لي أكتر من ساحر وتودعوا الصيفية. تأكدوا كمان إنو فيك تستمتعوا بأطيب الوجبات الخفيفة حد البيسين.

الرقم: 444 815 76

٢. بيت القبة، العادوسية

هل بيت عبارة عن بيت قبة أول ما توصلوا علي بتحسوا حالكن صرتوا بالمالديف، وهاي تجربة استثنائية لكل مين ما قدر يسافر السنة. الجاكوزي ساحر بين الورود والشموع والشجر لتحسوا حالكن قاعدين بشي جزيرة وفي مرجوحة مميزة منددلة بقلب الميات قعدوا بالمي وغمضوا عيونكن واسرحوا بأفكاركن وبوردوا وكبوا مشاكلكن بالمي.

لتعرفوا أكتر عن هل محل اتصلوا ب Wen l 2a3de على 901 576 76

٣. روكا مارينا Rocca Marina، شكا

هل محل عندو جزيرة مكونة من عدة برك مي بقلب البحر ومطعم بقدم أشهى الأطباق البحرية مع كراسي وطاولات بقلب المي: بتاكلوا كل لقمة وإنتو حاطين إجريكن بالمي. فيكن كمان تقضوا ليلة مميزة بقلب ال El Mayan Cave لي هوي شالي مميز قاعد فوق البحر دغري رح بحسسكن إنكن عنجد بشي جزيرة بعيدة كتير.

الرقم: 444 714 81

شوفوا كمان، بيسين بقلب الطبيعة وبرغولا معلقة بحبال الهوا عند هل محل.