بيسين بقلب الطبيعة وبرغولا معلقة بحبال الهوا عند هل محل

جاهزين تطلعوا رحلة على سما؟ إذا مفكرين إنو الجنة هيي خبريات وخرافات، هل مكان رح يفتحلكن عيونكن على أجمل منظر ممكن تلاقوا بلبنان.

عم نحكي عن محل واحد خيالي وساحر، وين هوي يا ترى؟ وين مخبى وكيف فينا نروح علي؟ مخيم يحشوش هوي المحل المثالي لي كلنا منحلم في. وين موجود؟ بقلب غابات يحشوش بمنطقة كسروان وقريب على الشلالات والنهر وقاعد بقلب الطبيعة والغابات الخضرا.

هل محل عبارة عن بيوت خشب وبيت زغير حجر مع منظر طبيعي ساحر ولا شافت عينكن متلو. هل طقس هلق وهل برودات رح يخلوكن تعيشوا هل تجربة بكل تفاصيلها الزغيرة والبسيطة.

عندن كمان بيسين متل الجنة على الأرض، بتغمضوا عيونكن وبترجعوا بتغطسوا إجريكن بالمي وبتفتحوهن على أجمل منظر خلقوا الله…. الجبال الخضرا قبالكن وكل الطبيعة لي ما بتخلص متل شي لوحة فنية، والشجرات عم ترقص والهوا عم بلعلع… أجمل infinity pool بلبنان.

وأكيد بتناموا بقلب الغرف معرززين مكرمين وبتفيقوا على أجمل منظر.

وما تنسوا المغيب ما بخيب من هل نقطة بهل كوكب، هون الدني بتوقف لحظة لي بتقرر الشمس تغفى وتنام ورا الجبال الخضرا.

وما فيكن تجوا وما تعيشوا تجربة تناول الطعام بقلب البيرغولا لي معلقة بحبال الهوا على كتف الوادي… في أجمل من هيك شعور؟

عم تتخيلوا كيف بتكون الفيقة الصبح بهيك مكان هادي ورايق؟

للحجز والاستفسار اتصلوا بمخيم يحشوش على 502 888 78

شوفوا كمان، ٨ محلات فيكن تعملوا فيها حفلة مشاوي بالطبيعة بلبنان.