٥ مسابح ضروري تزوروهن قبل ما تخلص الصيفية!

صح الصيفية خلصت وبلش الخريف بس الطقس بعدو صيفية وكلنا بعدنا عم نروح على البحر ونكزدر ونشم هوا، ولتلحقوا حالكن قبل ما يتغير الطقس على الآخر ويبطل فيكن تروحوا على البيسين، جمعنالكن عدة بيسينات لازم تزوروهن قريباً بلبنان .

١. منتجع سوليا بيتش Solea Beach Rooftoop، خلدة

هيدا المحل الحلو رح يخليكن تدللوا نفسكن. إطلالة خرافية خصوصي وقت الغروب وكوكتيلات لذيذة ناطرينكن هون وإذا جوعانين، عندن مأكولات عالمية بتشهّي!

الرقم: 213 141 70

٢. مطعم ومنتجع روكا مارينا Rocca Marina، حامات

من أجمل الأماكن لي ممكن تزوروها بلبنان قبل ما نصير بالشتوية. بيتميز بتصميمو المبتكر والفريد من نوعو، وبتلاقوا بقلبو بيسينات على شكل برك مي وفيكن كمان تاكلوا عندو بقلب المطعم لي بيتميز إنو قاعد بالمي، يعني بتغطسوا إجريكن بالميات وبتاكلوا لتشبعوا.

الرقم: 444 714 81

٣. أوتيل بوسا نوفا Bossa Nova Hotel، سن الفيل

لما يجي عبالكن تروقوا أعصابكن مع أصحابكن على البيسين وتشربوا كباية عصير أو فنجان قهوة متلجة، مع جو رايق على سطح عالي وإطلالة مخيفة، ما إلكن غير هل محل.

الرقم: 522 500 81

٤، فندق وشط لامدينا Lamedina Hotel, Beach & Resort، جونية

فندق لامدينا بجونية هوي المكان المناسب للإستمتاع بنهار حافل على البحر. عندن بيسين وشط رملي، ومحل لتغطسوا في ولتركبوا الكانو ومحل لتخيموا على الشط وتعملوا بيكنيك مع أصحابكن.

الرقم: 484 918 09

٥. كانوبيه Canopée Hotel، برمانا

بين جبال برمانا الخضرا، رح تلاقوا منتجع زغير ومميز ناطركن، عندن شاليهات مهضومة، بيسين بقلب الطبيعة، مطعم وبار للكوكتيلات والمشروب، ومحل لممارسة رياضة اليوغا ومكان لمشاهدة النجوم. المنظر من البسين على الجبال متل الحلم!

الرقم: 022 023 76

شوفوا كمان، هيك أسعار البوفيه نهار الأحد بهل-١٦ مطعم بلبنان.