٦ محلات كتب ببيروت بأسعار معقولة ورخيصة

لكل محبي القراية، لقينالكن محلات كتب ببيروت بأسعار معقولة ورخيصة! اجتمعوا مع رفقاتكن، وتوجهوا على هل جواهر المخباية اللي ناطريتكن على أروع الكتب والمجموعات المميزة. يلا مشوا معنا!

1. Philosophia، حارة حريك

جوهرة مخفية لكل عشاق الكتب، بتلاقوا فيها كل كتاب ممكن يخطر عبالكن، وبأسعار معقولة كمان. وإذا قررتوا تشتروا كذا كتاب، بيعملولكن سعر كتير حلو!

الرقم: 418 548 71

2. Halabi Bookshop، كسكاس

ضيعوا بين رفوف مكتبة الحلبي اللي ما بتخلص، وحدة من أكتر الجواهر البيروتية المحبوبة. بتبيع المكتبة مجموعة واسعة من الكتب الأصلية باللغات الإنجليزية والفرنسية والعربية، وكلو بأسعار كتير حلوة.

الرقم: 093 501 71

3. مكتبة عيّاد، حمرا

مكتبة زغيرة بشارع عبد العزيز بالحمرا، رح تجذبكن مجموعاتن الواسعة من الكتب، وكل ما تمرقوا من جنبو للمحل، رح توقفوا وتتصفحوا الكتب.

الرقم: 753 234 03

4. صنوبر بيروت،مونو

مكتبة صنوبر عبارة عن مكتبة ودار نشر مخبى بشارع مونو. مش بس بيبيعوا الكتب المشهورة والنادرة بأحلى الأسعار، بس كمان بتلاقوا الأفلام والموسيقى.

الرقم: 678 201 21

5. Book Bazaar، الحمرا

إذا عم تفتشوا عن الكتب المستعملة والقديمة، لازم تزوروا بوك بازار. عندن مجموعة أدبية ما بتخلص، وكمان بتلاقوا صور لبيروت القديمة وقصص حلوة. رح بتلاقوا حالكن عم تقصدوا هل محل كتير!

الرقم: 223 288 81

6. Kitabi، الحمرا

كتابي واحد من المكتبات اللي رح تحبوها من أول ما تدخلوا عليها، رفوف مكدّسة بالكتب الكلاسيكية والعصرية وحتى النادرة، وكلو بأحلى الأسعار.

الرقم: 930 732 81

@beirut.com Book lovers wya?!📚 Kitabi’s new location in Hamra is much more spacious and makes for a great vibe📖 #booktok #books #bookworm #lebanon #beirut #lebanesetiktok #reading #book ♬ Brunch (Lofi) – Muspace Lofi

وانتو شو بتعرفوا بعد محلات كتب ببيروت بأسعار معقولة؟

شوفوا كمان، مشوا نتذكر ١٨ من أهضم ذكريات المدرسة