٨ محلات فيكن تعملوا فيها حفلة مشاوي بالطبيعة بلبنان

عبالكن تعملوا حفلة مشاوي بالهوا الطلق؟ شوفوا هل ٨ محلات يلي فيكن تعملوا فيها بيكنيك بأحضان الطبيعة ولي رح يعيشوكن لحظات ما بتنتسى.

١. لو كامب Le Camp، دير الحرف

لتقضوا أجمل نهار بالطبيعة، لازم تزوروا هل محل. بحضرولكن أطيب لقمة من تحت دياتن وبيعطوكن منقل لتشووا أكلاتكن ومن بعدها أطيب شي فنجان القهوة على الفحم.

الرقم: 677 355 76

٢. بيت ميرا، لحفد

فيكن تستأجروا هل بيت المميز لتقضوا نهار وتعملوا في بيكنيك أو حتى تناموا… والحلو في إنو بيطغي علي الستيل الغجري فبتحسوا حالكن سافرتوا لبعيد. بالنسبة للأكل، بتحضروا أكلاتكن على الهدا لتستمتعوا بسفرة مميزة، خلوا معكن منقلكن وفيكن كمان تولعوا أبولة نار برا وتشووا عليها لحمة وبطاطا ومارشمالو.

الرقم: 575 254 03

٣. ذا باين يارد The Pine Yards، الدوار

بعيشكن تجربة مميزةا! بتقدروا تسأجروا طاولات وكراسي لتقعدوا بالطبيعة وتقضوا نهار بياخد العقل مع جمعة حلوة وفي عندن كمان مساحة سدح مدح بيلعبوا فيها الولاد. وقت الغدا، إذا عبالكن بتشووا اللحمة عالشواية وبتجيبوا معكن أكلاتكن وإذا ما بدكن هل لبكة كلا المطعم لي لإلن بلبيكن بكل شي.

الرقم: 629 281 03

٤. بيوماس Biomass، جربتا

بيوماس هوي المكان المناسب لتجتمعوا في مع رفقاتكن على فنجان شاي أو قهوة أو حتى تعملوا صبحية وتقضوا نهار بمنطقة جبلية روعة بين الشجر والعصافير. عندن قعدة وأكل بلدي و الأجواء خفيفة نضيفة مع فيو بيشرح القلب، فيكن تطلبوا الأكل لي عبالكن من مشاوي لمناقيش للطبخات اللبنانية البيتوتية لي بحبها قلبكن.

الرقم: 811 711 76

٥. مغراق، البترون

روحة على مغراق يعني حفلة مشاوي وقعدة ببيت بنص الطبيعة! هون، مش بس فيكن تقضوا نهار وتعملوا بيكنيك، فيكن تناموا كمان. جيبوا معكن لحمتكن وحجزوا محل لإلكن قبل بوقت وهني بأمنولكن منقل وأكيد البسط والكيف رح يكون ناطركن.

الرقم: 878 877 71

٦. رشانا كامبينغ، البترون

احجزوا طاولتكن بالحديقة واستمتعوا بيوم بالطبيعة بفيات الشجر ومع الناس لي بتحبوهن! أكيد ما تنسوا تجيبوا معكن لحمتكن وأكلاتكن لتعيشوا تجربة الشوي وتحضير الأكل على المزبوط وفيكن تقرروا تقضوا الليلة فوق وتناموا بالطبيعة.

الرقم: 319 993 70

٧.حدائق راس مسقى، الكورة

حدائق راس مسقى من أجمل المحلات لي فيكن تعملوا فيها بيكنيك بأحضان الطبيعة بالشمال، بتقدروا تقضوا وقت مع حبيبكن قد ما بدكن وبتتأملوا الطبيعة وعندن مزرعة وأكل بلدي. ما تنسوا تجيبوا معكن لحمتكن وأكلاتكن والناس لي بتحبوهن!

الرقم: 470 170 79

٨. لا بوهيم، مار موسى

لا بوهيم مكان خيالي بقلب غابة صنوبر، في نشاطات لكل الأعمار وهوي عبارة عن قرية زغيرة مجهزة حتى تقضوا فيها يوم ممتع مع عيلتكن أو أصحابكن. عندن محل للبيكنيك ومطعم، فيكن تحضروا أكلاتكن هوينك وتعملوا مشاوي عزوقكن أو تطلبوا الأكلة لي بدكن ياها من المطعم، ما عليكن غير تحملوا حالكن وتجوا.

الرقم: 591 432 76

شوفوا كمان، ٥ مطارح مميزة لازم تزوروها بالشوف.