مشوا نتذكر ١٨ من أهضم ذكريات المدرسة 

شهر أيلول وموسم الخريف بيعنوا شغلة وحدة: أول أيام المدرسة. وكلنا عنا ذكريات مهضومة من أيام المدرسة، الفيقة الصبح، القعدة مع رفقاتنا بالفرصة، المعلمات والأساتذة اللي كنا نحبن واللي ما كنا نحبن، أيام الإمتحانات، وغيرن من الأوقات اللي ما بتنتسى. خلونا نشوف سوا 18 من أهضم ذكريات المدرسة 

1. لما أخيراً تشوفوا رفيقكن المفضل بعد الصيفية

ولما تقعدوا على آخر طبقة بالصف كلو وتتزانخوا على الكل!

2. لما تعلقوا بعجقة الدكانة

بتجي أصعب من العلقة بعجقة السير، والكل عم ينطوا فوق بعض، بس كمان تجربة معبّرة عن الكفاح والصمود.

3. لما يكون الأكل بالفرصة سندويشة لبنة دبلانة، أو منقوشة زعتر مع تشيبس خل و بونجيصة هرم

ما في مجال! ومصيبة أكبر إذا بترجع معك السندويشة على البيت

4. لما كان الناظر أو الناظرة يعيط عليكن إذا ما عجبتن قصة الشعر

الحلقة على الصفر هيي الحلقة الوحيدة اللي بتعجب المدرسة!

5. لما تفوت المعلمة وتقرر تحضركن فيلم

بس هيك بتطفي اللمبة وبتسكر البرادي، وهي بتصير بعالم وانتو قالبينها نومة الضهر

6. لما يصير في عزيمة غير شكل بالفرصة 

7. لما  حدن من أهلكن ياخدكن من المدرسة بكير 

مدري كيف الإحساس بس الشعور كتير حلو!

8. أهم شي ريحة الكتب والقرطاسية الجديدة 

والمحاية الملونة اللي إلها ريحة وبتوسخ أكتر ما بتمحي، يا لطيف!

9. لما تتخانقوا مع معلمة العربي كرمال الإعراب

سؤال، مين إخترعوا للإعراب؟ 

10. لما تطلع صورة المدرسة وكلكن شكلكن ما بينشاف

ونص الصف بيطلع مغمّض عيناها

11. لما تحاولوا تتنقلوا بالإمتحان من أشطر واحد بالصف ويطلع نفسية

وبيقلبها جدية وانو هو صاحب مبدأ وما بيطلع عنو

12. لما أشطر واحد بالصف يبكي وينهار لأنو ما جاب فوّل العلامة 

ال 19.75 مش متل ال 20/20. 

13. لما يكون في رحلة مع المدرسة بس تطلع أول حصة درس

بعد في أسئل من هيك؟

14. لما تعلي إيدك لتشارك ويقلك الإستاذ اترك مجال لغيرك

 بتحس حالك أذكى حدن بالعالم وما عاد في حدا يهديك

15. لما تقدم برزنتايشن انتو ورفقاتك بس تقضوها فطسانين ضحك من دون سبب

والمصيبة لما يجي حدن بالآخر بدو يسأل شي سؤال…

16. لما تقرر تفتح علكة بالصف بالسر ومدري كيف بيعرف الصف كلو وبيصير بدو

ويلا لحّق على توزيع

17. لما يكمشوا مع حدن تلفون

والكل بيصير موتّر عنو لهل شخص 

18. وما بيكمل آخر نهار بالمدرسة من دون ما ترسموا على المريول

بس هيك منخليها ذكرى من ذكريات المدرسة

وانتو شو كمان عندكن ذكريات المدرسة؟ 

شوفوا كمان، ١٨ ذكرى حلوة ما مننساها من أيام الطفولة