٥ مطارح مميزة لازم تزوروها بالشوف

منطقة الشوف مخباية كتير كنوز، وعجايب طبيعية ومطاعم وبيوت ضيافة، ومطارح كتير حلوة لازم تزورها قبل ما يفوت الأوان ويتغير الطقس.

١. أوليفياز كابين Olivias Cabin، مزرعة الشوف

هل مشروع عبارة عن شاليهات مع منظر بياخد العقل على الجبل وكمان في بيسين وجاكوزي. فيكن تستأجروا هل محل لتحتفلوا بمناسبة خاصة أو لتقضوا وقت حلو مع أصحابكن.

الرقم: 264 822 71

٢. مطعم الطاحونة، بعقلين

مطعم لبناني قاعد بقلب الطبيعة وبقدم سفرة لبنانية أصيلة. كل شي بيخطر عبالكن موجود وأكتر من هيك روقان وجمال ما في، رح تنبسطوا بالقعدة على النهر وبصوت المي واللقمة الطيبة.

الرقم: 802 885 76

٣. الشوف هايلند Shouf Highland، عين زحلتا

هل محل قاعد على الجبل وعندو قعدة بتطير العقل كاشفة على أجمل المناظر بالشوف. فيكن تشربوا العصير الفريش، تاكلوا برغر أو تطلبوا حلو وتقعدوا على المرجوحة وتتفرجوا على الوادي وتنسوا الدني.

الرقم: 550 011 70

٤. بيت الجبل، دير القمر

قعدة حلوة وبسيطة جنب الطبيعة ورواق لأبعد الحدود: الأكل عندن كتير طيب! بهيدا البيت عدة أوض، كلن شرحين وفين سحر جبلي وجنينة مهضومة بإنتظركن حتى تنسوا كل هموم العالم. وأكيد مطعم بقدم أشهى الأطباق اللبنانية والعالمية.

الرقم: 767 160 71

٥. شلالات سر جبال، الشوف

فيكن تتفرجوا على الشلالات وتسمعوا صوت المي وتزوروا المطاعم المجاورة: ما تنسوا تاخدوا معكن كاميرا! بتسبحوا بالنهر الجاري، وبتتسلقوا وجنبكن شلالات الساحرة، تجربة من العمر!

شوفوا كمان، ه بانغالو لازم تزوروهن قبل ما تخلص الصيفية.