٤ محلات بيعملوا فوندان شوكولا ولا أطيب!

مين ضرسو حلو؟ تعرفوا معنا على ٤ محلات بيعملوا أطيب فوندان شوكولا.

١. ليلى من لبنان، الزيتونة باي

لمحبي الحلو والمالح هيدا المحل كتير رح يعجبكن. مين ما بيجي عبالو شوكولا غير شكل بدوب بالتم؟ بيعملوا فوندان ع شوكولا بينزل منو شوكولا سايل مع حبة بوظة ورشة فستق وفي يكون أحلى مشوار مع صديقك لي بحب الشوكولا.

الرقم: 517 371 01

الفروع:
التاني: ABC ضبيه
التالت: ABC أشرفية
الرابع: ABC فردان

٢. زويا كافي، الرميلة

جربوا فوندان الشوكولا عندو، لي مش بس طعمتو روعة وكمان شكلو من برا كتير مرتب. رح تحسوا قلبكن عم بدق بس تشوفوا عم ينرش فوق قطعة الفوندان سكر ناعم، بتقطعوا الشوكولا وبسيل على الصحن وبتضيفوا علي ملعقة بوظة متلجة.

الفرع التاني: صيدا
الرقم: 992 662 70

٣. كوزمو كافي، الزيتونة باي

هل كافي المهضوم عندو كتير قصص طيبة، بس أطيب شي عندو الفوندان ع شوكولا مع حبة بوظة على فانيلا. طعمة الشوكولا السخن عم بتدوب بتمكن مع ملعقة بوظة باردة روعة… خلطة الطعمات بتحسسكن كأنكن بحلم.

الرقم: 111 201 01

٤. بولد شوكولاتيار Bold Chocolatier، جل الديب

ما في أطيب من طعمة الشوكولا الطاغية مع البوظة الباردة. بتتفاجأو هونيك بأنواع الحلو لي عندن، وبالقصص الروعة لي رح تلاقوها متل الكوكيز والشوكولا والبوظة والكيكات على شوكولا.

الرقم: 702 704 71

شوفوا كمان، أطيب محلات اللحم بعجين ببيروت.