٥ من أطيب مطاعم بعقلين

شو رأيكن نطلع على بعقلين عروس الشوف؟ منطقة مشهورة بنهر بعقلين الصافي والشلالات العظيمة والغابات الخضرا. ولأنو المشوار ما بيكمل من دون اللقمة الطيبة، خلونا ناخدكن على 5 من أطيب مطاعم بعقلين.

1. مطعم شلالات الزرقا

عبالكن غدا رومانسي بقلب القارب جنب الشلال؟ مطعم شلالات الزرقا واحد من أجمل مطاعم بعقلين، بيقدم قعدة الأحلام على نهر بعقلين مع أكل لبناني طيب وهوا جبلي برود.

الرقم: 301 560 03

2. مطعم الطاحونة

مطعم الطاحونة بيتميز بتراس فوق الميّ الجارية لنهر بعقلين وجو مناسب للعيلة والجمعات الكبيرة.

بتجتمعوا على سفرة من أطباق لبنانية طيبة ومازة مميزة وعرق بلدي على منظر الطبيعة الخلاب ببعقلين.

الرقم: 802 885 76

3. قهوة السوق

إذا عبالكن تكتشفوا جو ضيعة بعقلين حيّ بحيّ، لازم تجربوا قعدة السوق. قهموة السوق عندن فنجان قهوة بيروق الراس، وترويقة غير شكل وكمان حلويات طيبة لتبلشوا نهاركن صح بالمنطقة.

الرقم: 632 889 78

4. جنة بعقلين

مطعم جنة بعقلين بيقدم قعدة خيالية على نهر بعقلين. عندن تراس فوق الميّ وقعدة بين الشجر على صوت الشلال، مكان بيناسب غدا أو عزيمة مع العيلة كلها.

الرقم: 669 924 03

5. بكرزاي

بكرزاي عبارة عن مطعم وأوتيل بيقدم بيوت ضيافة جبلية ساحرة. بتقدروا تجربوا المطعم على الغدا أو العشا من دون ما تقضوا الليلة عندن. بتلاقوا الأكل البيتوتي الطيب، النفس الجبلي، والقعدة التراثية من فوق الشوف كله!

الرقم: 664 766 71

شوفوا كمان، أطيب مطاعم دير القمر مع قعدة جبلية