أطيب بوفيه بحضن الطبيعة بهل-۳ مطارح!

أحسن طريقة لنقضي الأحد هي مع العيلة أو الأصحاب على غدا بوفيه غير شكل، وشو في أحلى من انو يكون البوفيه وسط الطبيعة؟ خلونا ندلكن على 3 مطاعم بتعمل بوفيه بحضن الطبيعة.

1. Little Reed، المتن

ليتل ريد فاتحلكن بيت الضيعة، وبيستقبل الناس على أكل طازة من الأرض والمزرعة و بوفيه بحضن الطبيعة. بيتميز بكرم الضيافة بضيعة القصيبة بالمتن، ومكان لزيز لتقضوا نهار الأحد مع العيلة تحت شجر الزيتون ومع حيوانات المزرعة.

بيقدموا بوفيهات طيبة كتير بالويك-اند وبتضمن أكلات جبلية معمولة على ديات نسوان الضيعة. مطعم بتجربوا مع العيلة، بتكتشفوا الريف بالجبل، وبتقضوا وقت ساحر بحضن الطبيعة.

لمزيد من المعلومات، اتصلوا على 300 007 76

2. طاولة سوق الطيب، كافة الفروع

طاولة سوق الطيب عبارة عن مشروع مميز للمطبخ اللبناني، بيجمع الناس من كل أنحاء لبنان على الجمعة الحلوة والأكل التراثي الطيب.

بيعملوا بوفيهات حلوة كتير أيام الأحد بحضن الطبيعة، وبيقدموا أكلات تراثية مميزة لمختلف المناطق اللبنانية وبيتم تحضيروا من تحت ديات طباخيين محلييّن شاطرين ومبدعين بالطبخ! عندن  فروع مختلفة بمار مخايل، دير القمر، وقناة باكيش، وعميق بالبقاع، وغيرن.

لمزيد من المعلومات، اتصلوا على 060 266 81

3. Biomass Restaurant، جربتا

إذا عبالكن تقضوا وقت ممتع مع عيلتكن والولاد، بيوماس من أحلى المطارح بالهوا الطلق. عندن جنينات واسعة تحت شجر البلوط، وملاعب للولاد ليسرحوا ويمرحوا. مكان كتير مهضوم لتعملوا بيكنيك مع العيلة وتقعدوا بالطبيعة.

بيعملوا بوفيهات نهار الأحد من أطيب الطبخات اللبنانية لتستمتعوا بأحلى وقت بالطبيعة.

للمزيد من المعلومات، اتصل على 532 532 03

شوفوا كمان، ٥ مطارح ع البحر لتستمتعوا بمغيب الشمس بلبنان