٨ شاليهات خيالية حول لبنان

عبالكن عطلة غير شكل بطقس أيلول؟ تهربوا على أماكن ساحرة الجمال وبعيدة عن العالم؟ تعرفوا معنا على 8 شاليهات مميزة لتستأجروها حول لبنان!

1. Cezanne، ضبية

Cezanne بيت متل القصر مليان حياة وألوان بتفرفح القلب، بيقدم تجربة Provence الفرنسية الفاخرة. الشاليه بيضم غرف ساحرة، ومسبح كبير، وأكل طيب لتكمل قعدتكن! واحد من أجمل شاليهات بالمنطقة!

الرقم: 944 441 71

2. E by the Sea، البترون

لكل عشاق الصيف اللي مش حابين يفارقوا جو الصيفية، رح بتلاقوا بهل شاليه أجمل قعدة على بحر البترون! عندن كل شي ممكن تحتاجوا: منظر خلاب للبحر، بانيو بأوضة النوم، وقعدة غجرية مليانة رومانسية.

الرقم: 499 404 70

3. Caim، ميروبا

شاليه بموديل مودرن وقاعد بنص الغابة. مكان معزول عن العالم ومهرب رومانسي لكل العشاق، بتلاقوا جاكوزي ومسبح وأحلى المناظر والقعدات الجبلية الرايقة.

الرقم: 494 649 81

4. Blue Jay Valley، جزين

مطرح محبوب بقلب جزين، Blue Jay Valley معروف بمناظره الطبيعية الخلابة بين شجر البلوط والصنوبر. الويك-اند بهيك مطرح خيالي غير شكل! وعندن تجربة منتجع مميزة، مسابح، ومطعم، وقعدة بالطبيعة.

الرقم: 088 880 78

5. Roots، كفرمتى

إذا كنت تحب تجربة بيوت الخشب، لازم تجربوا بيوت Roots بمنطقة كفرمتى. مكان مُجهَّز بوسايل الراحة والرفاهية، مسبح مميز، وجو من الرواق بقلب الطبيعة الجبلية.

الرقم: 681 533 71

6. الجواد، الخيام

البيوت التقليدية اللبنانية عندها سحرها الخاص! بتلاقوا عند شاليه الجواد تجربة مميزة جنب المسبح، جو للعيلة غير شكل، وجنينة واسعة مع قعدة روعة.

الرقم: 960 227 71

7. زيتونة، خربة سلم

شاليه غير شكل لتقضوا نهار كامل من الإسترخاء والسباحة بعالمكن الخاص مع أحبابكن. قعدة جنب المسبح مع عصير طيب ومنظر غروب الشمس، يا عين!

الرقم: 781 058 81

8. High Heaven – رب الثلاثين، مرجعيون

هاي هيفن بيقدم تجربة مودرن ومرتبة لعطلتكن مع منظر خيالي للطبيعة. مكان لتسبحوا من الصبح حتى الليل، تسهروا تحت النجوم، وتحضروا أفلام مع الشريك بجو مليان راحة وخصوصية!

الرقم: 482 325 76

شوفوا كمان، ٥ محلات رومانسية على البحر بلبنان