مشوار أيلول، شو فيكن تعملوا بضيعة عنجر؟

عبالكن مشوار مميز أول الخريف؟ البقاع من أجمل المناطق اللبنانية بأيلول، واليوم المشوار بياخدنا على ضيعة عنجر التاريخية لنكتشفها ونجرب لقمة طيبة! خلونا نشوف سوا شو فيكن تعملوا بضيعة عنجر؟

شو فيكن تستكشفوا بعنجر؟

1. آثار المدينة الأموية التاريخية بعنجر

بتحتضن عنجر مواقع أثرية بترجع آلاف السنين لورا لمختلف العصور متل العصر الروماني والاغريقي والأموي. هالآثار بترجع للعصر الأموي وبتحتوي على آثار لسور وأعمدة، وقلعة تاريخية، وحارات بتتميز بموقعها اللي بيطل على السهل والجبل، وكمان قريبة على نهر الليطاني.

2. الطبيعة الساحرة بعنجر

الطبيعة البقاعية بتتميز بجمال إستثنائي خصوصي بالخريف. فيكن تكتشفوا سهل البقاع اللي بيمتد على مساحات خضرة واسعة، الينابيع القريبة التابعة لنهر الليطاني، وتركبوا بقلب قوارب بالبحيرات بالمنطقة.

وين فيكن تاكلوا بعنجر؟

1. مطعم الشمس

مطعم الشمس واحد من أطيب المطاعم بعنجر، مكان مشهور بتقديم الأكل اللبنانية والأرمني على أنواعه. بيقدموا سفرة كريمة من الأطباق البقاعية، الطبخات التراثية متل الفوارغ، وعندو بطاطا مقلية بيعملوها بشكل فريد وكتير مشهورين فيها! عدا عن الأكل الطيب، كمان المطعم مغمور بالجنينات من كل الميلات ومطعم مميز للجمعات الكبيرة والعيل.

الرقم: 800 621 81 – 800 620 81

2. مطعم نبع عنجر

هالمطعم بيقدم قعدة بالطبيعة على صوت النبع وطواحين الميّ. عندو دجاج مشوي، سمك مقلي، مازة مميزة، وسفرة عامرة بأشهى الأطباق اللبنانية. وكمان عندن اللحمة النية غير عالم!

الرقم: 590 000 71

3. مطعم جزيرة عنجر

مطعم جزيرة عنجر بيقدم قعدة للعيلة مميزة على جنب الميّ، ملعب للولاد وطلعة بالشخطورة مع البط. بتدوقوا عندوا أطيب أطباق البقاع وبتقضوا أحلى الأوقات.

الرقم: 733 620 08 – 340 810 03

4. مطعم رازميغ Restaurant Razmig

مطعم رازميغ بيقدم الأكل الأرمني على أصوله وتراس رومانسي جنب النهر. عندو أجواء ريفية رايقة، مناظر خيالية للطبيعة، وأطباق بسطرمة بتاخد العقل!

الرقم: 822 620 08

وين فيكن تناموا بعنجر؟

1. Layali Al Shams Hotel

أوتيل ليالي الشمس بيستقبلكن على أحلى قعدة بالطبيعة بعنجر. أوتيل مخبى بين البساتين والسهول، بيقدم تجربة مسابح صيفية، مطعم لتجربوا لقمة طيبة، وغرف مريحة. عندن بيوت خشب ساحرة الجمال مع ترويقة لبنانية، تجربة كاملة متكاملة بالخريف.

الرقم: 600 622 76

2. منتجع الشرق

هالمنتج بيقدم قعدة بتروق الراس بالطبيعة. بيتميز بموقع روعة بيطل على السهل والجبل، وعندن بيوت خشب رومانسية ومسبح كبير لتقضوا أحلى الأوقات.

الرقم: 577 622 71

شوفوا كمان، ٦ مطارح خيالية بأعالي جبل صافي بالجنوب