محل ساندويشات جديد مقرر يكسر الدني ببيروت!

شو أكتر شي بيطلبوا كرشنا كل يوم؟ أكيد أطيب ساندويش محمصة منيح ومحشية أطيب شي عنا. خبرية كتير حلوة ومهوضمة، في محل فتح جديد بالمعمورية ببيروت Cloudy Bites وعم بلف أطيب ساندويشات بيتوتية.

الساندويش أو العروس هيي الشي الوحيد يلي ما ممكن نبعد عنو وكيف إذا كانت ملفوفة على الإيد ومغطسة بالزبدة!

عندن ٣ أنواع ساندويشات رح يطلعوكن فوق الغيوم قد ما طيبين: وحدة محشية لحمة والتانية دجاج، أما التالتة قريدس. العجينة عجينة بريوش معرمة، بتتقدم بصنية مع حبات تشيبس.

يلي بحب اللحمة، تأكدوا إنو تطلبوا الساندويش المحشية لحمة مطبوخة على الهدا مع صوص خاصة بالمطعم وفيها روكا، فجل، بصل أخضر، بصل عادي، وتتبيلة معمولة من الجلابينو والمايونيز.

بالنسبة لساندويش الدجاج لي عندن فهيي بتجنن، معمولة من صدر دجاج مع تتبيلة سرية وصلصلة أعشاب ومايونيز خاصة بالمحل.

منوصل لساندويش القريدس، شو ساندويش رح تاكلوا صابيعكن وراها. هالساندويش بتجي مع شي إضافي رح يخطفلكن قلبكن، صوص ال TNT لي عندن، رح تنغرموا بقديش هل سندويش بتكون طازة وبسيطة!

الخبزة تبعن هيي القصة كلها، منفوخة منيح متل الغيمة ومليئة وخفيفة بنفس الوقت متل عجينة البيت. القعدة حلوة والأكل غير شكل عند Cloudy Bites.

الرقم: 899 633 81

شوفوا كمان، ٤ محلات بيعملوا بيتزا بيتوتية بلبنان.