٤ محلات بيعملوا بيتزا بيتوتية بلبنان

إذا كنتوا بتفكروا متلنا أكيد تعبتوا من اختراعات الأكل لي ما بتخلص وعجقة الطعمات والبهارات وبيجي عبالكن بيتزا بيتوتية ممعولة من مكونات بسيطة وقريبة على القلب. فهيدي ليستا بأطيب مطاعم البيتزا البيتوتية بلبنان لي مننصحكن تجربوها.

١. بروكلين بيتزا Brooklyn Pizza، المنصورية

هيدا أحسن محل لتروحوا علي إذا كان عبالكن بيتزا متل تبع البيت. قعدة المطعم مهضومة بتحسسكن كأنكن ببيتكن. في كتير أنواع بيتزا عندن متل البيتزا اليونانية و ع بيبيروني، وأكيد ما بدنا ننسى البيتزا ع خضرا لي فيها خضرا وفطر وجبنة بتاخد العقل.

الرقم: 927 214 70

٢. بياتزا 1140 Piazza 140، حمانا

إذا بتحبوا البيتزا مشوية على الحطب، رح تحبوا هل محل لأن بحضروا البيتزا على فرن الحطب متل إيام زمان وهل شي بيعطيها نكهة مختلفة. هالمطعم عندو قعدة كتير جبلية ومهضومة وبقدم أصناف بيتزا طازة ملياني وطيبة.

الرقم: 178 138 79

٣. بيتزيريا ديل فيكو Pizzeria del Vico، الأشرفية

بيتزيريا ديل فيكو بيخبزلكن بيتزا إيطالية أصيلة. الجو بهل محل بيدفي القلب والبيتزا هون بتنعمل بإهتمام وحب. إذا كنتوا من عشاق البيتزا التقليدية، هون رح تلاقوا كل الطعمات لي بتحلموا فيها.

الرقم: 934 200 01

٤. فرن دلال، شبطين

بس تفوتوا على هل محل رح تشموا ريحة بيت التيتا والجدو وتتذكروا كل أغاني صباح. هون بتلاقوا بيتزا لبنانية تقليدية بتجي بطعمات مختلفة بتناسب ذوق الكل. بالإضافة للبيتزا، في مجموعة من المناقيش والمعجنات لتجربوها.

الرقم: 778 882 78

شوفوا كمان، ١٠ أكلات شعبية لازم تجربوها بس تزوروا الشمال.