٥ من أجمل مطاعم البترون عالبحر

منطقة البترون دوخت العالم هالصيفية! صارت عروس البحر، مقصد سياحي أساسي لكل محبي البحر والأسواق القديمة والأكل الطيب والمناظر الساحرة. خلونا نعمل برمة على شط البترون، ونخبركن عن 5 من أجمل مطاعم البترون عالبحر!

1. المندلون

المندلون عندو كذا فرع حول لبنان وفرعه بالبترون على شط البحصة من أجمل مطاعم البترون عالبحر!

بيتميز بقعدة رايقة على صوت الموج ومنظر ساحر للشط الرملي. بيقدم مأكولات لبنانية وعالمية، حلويات طيبة، وقعدة بتجنن تحت خيم البحر! 

الرقم: 407 070 70 

2. مرشاق عالبحر

مرشاق عالبحر بيستقبلكن على أحلى قعدة على البحر! عندو مازة لبنانية مميزة، مأكولات بحرية طازة ومعمولة بكل شطارة، مع منظر خيالي لموج البحر. بتنبسطوا بأطيب أكل، مشروب غير شكل، وبتسرحوا بغروب الشمس، مكان كتير رومانسي!

الرقم: 622 633 76 – 888 948 76

3.  Le Marine Restaurant

عبالكن أكلة سمك غير شكل تحت خيمة قش على البحر؟ لو مارين بيقدم قعدة فوق البحر بديكور غجري، تجربة مميزة مليانة رومانسية، وسمك طازة لتكمل قعدتكن باللقمة الطيبة.

الرقم: 016 744 06 

4. A la Playa

واحد من أجمل المطاعم اللي فتحت هالصيفية بالبترون! بحسسكن كأنكن سافرتوا على بحيرة كومو الإيطالية. عندو قعدة تراس عالبحر رومانسية على الآخر، مأكولات بحرية وأصناف متنوعة، ومنظر لغروب الشمس من الخيال!

الرقم: 150 117 03

5. مطعم Ceviche

لكل محبي الأكلات البحرية والقعدة على البحر، لازم تجربوا هالمطعم الجديد دغري على شط البترون. مطعم مميز لتجربوا لقمة طيبة وتسبحوا كل النهار!

الرقم: 674 565 03

شوفوا كمان، ٤ من أطيب مطاعم عمشيت عالبحر