تذكروا معنا أجمل كلمات غنتها الست فيروز!

فيروز، ما منشبع نحكي عنا. هيي فنانتنا الأسطورية، وصوتها صار جزء لا يتجزأ من حياة كل لبناني بلبنان والمهجر وغنانيها ما بتعتق ولا بيولي عليها الزمن، بتضلها جديدة وحاضرة بأذهان الكبار والزغار وبتحمل معها ذكرياتنا ومشاعرنا.

اليوم، رح ناخذكن رحلة عبر الزمن، لنرجع نتذكر إيام الزمن الجميل بس كانت أغاني فيروز تفوت على بيوت اللبنانيي وسياراتن وحفلاتن وتدفيلن قلبن. رح نعيشكن نوستالجيا الستينات والسبعينات ونشارككن أجمل كلمات أغانيها الأكتر شهرة.

خبرونا أيا غنية لفيروز هيي المفضلة عندكن!

١. “بكتب اسمك يا حبيبي على الحور العتيق
بتكتب إسمي يا حبيبي على رمل الطريق
وبكرا بتشتتي الدني على القصص المجرحة
وبيبقى إسمك يا حبيبي وإسمي بينمحى“

فيروز كانت تغني عن قصص الحب والإنفصال واللحن لي كانت تنقي كان جذاب كتير وبعدو لهلق بيجذبنا وبعدها الملكة والأيقونة بكل معنى الكلمة

٢.” وأنا صرت إكبر وشادي بعدو زغير
عم يلعب عالتلج“

قصة هل غنية حزينة كتير بتحكي عن قصة الطفل الحالم شادي لي نقتل بالحرب من دون ما يرتكب أي ذنب

٣. “بتعشق عليِّ إعشق ما بتعشق ما تعشق
مش فارقة معاي مش فارقة معاي“

هون بتشدد فيروز على فكرة إنو مش رح تلحق حدا ولا رح تنطروا يحبها لأنو الحب الحقيقي مش بالإكراه

٤.” إمي نامت على بكير وسكر بيي البوابي
أنا هربت من الشباك وجيت لعيد العزابي“

هل غنية كانت وبعدها بتهز الدني والمسارح مطرح ما بتنحط من ورا لحنها وكلماتها القراب على القلب وبعدها بتنحط بكل حفلاتنا ومناسباتنا

٥. “بديت القصة تحت الشتي
بأول الشتي حبّوا بعضن
وخلصت القصة بتاني شتي
تحت الشتي تركوا بعضن“

كمان مرة بتغني فيروز عن قصة حب نهايتها حزينة وكل مين عم يحس بهل مشاعر بتحكي عنو الغنية وبتروقوا

٦. “في واحد عم ياكل خس، في واحد عم ياكل تين
في واحد هوي ومرتو، ولو شو بشعة مرتو“

عنجد هل غنية، كل الناس استغربت كيف نجحت هلقد على الرغم إنو كلماتها ما بتشبه كتير ستيل فيروز الكلاسيكي

٧. “بيبقى حنا السكران قاعد خلف الدكان
“عم بصور بنت الجيران

يمكن هل غنية غريبة وبتضحك شوي وبتحمس بنفس الوقت وإلها كذا تفسير، بس حبينا كتير الطريقة لي فسر فيا معناها الممثل الكوميدي محمد البعلبكي بهل فيديو:

@awkwordcomedy

@thebaalbaki | كان الزمان After the long wait, Mohamad Baalbaki is launching his new one hour standup comedy show ”مجنون” on the 12th September!

♬ original sound – awk.word

شوفوا كمان، ٩ برامج تلفزيونية كانت جزء من طفولة كل لبناني.