وين فيكن تجربوا بيتزا إيطالية على الحطب بالنبطية؟

بتحبوا الأكل الإيطالي الشهي من الباستا الكريمي والبيتزا على الحطب؟ إذا عم تفتشوا على مطارح بالجنوب بتعمل الأكل الإيطالي على أصوله، اليوم إطلعنا على النبطية ولقينالكن كم مطرح كتير رح يعجبكن. شوفوا معنا 3 مطاعم بتعمل بيتزا إيطالية على الحطب بالنبطية. 

1. مطعم الشيف وسيم – كفررمان و النبطية

مطعم الشيف وسيم هو المطعم الأول اللي بيقدم تجربة ال Fine dining بقلب النبطية. عندو فرع بالنبطية وتاني بكفررمان وبيستقبلكن على أطباق إيطالي وعالمية متنوعة وشهية. واحد من أطيب المطاعم بالنبطية اللي بيقدموا تجربة مميزة! 

بتلاقوا منيو غنية بمختلف طعمات بيتزا إيطالية معمولة على الحطب بالنبطية، وبتطلع مع الشيف وسيم خفيفة ورقيقة وريحتها بتشهي. مكان بياخدكن على إيطاليا بالطعمة الشهية والمميزة!

الرقم: 777 624 71 

2. Perfetto Pizza – النبطية

إذا عبالكن تجربوا طعم بيتزا نابولي الإيطالية من قلب النبطية، لازم تجربوا هالمطعم الإيطالي المميز. بتجربوا بيتزا إيطالية على الحطب، مع صوص البيستو، جبنة بارميزان، الموزاريلا، ورشة زيت زيتون! وحتى بتلاقوا بيتزا إيطالية مع قريدس أو سلمون طازة!

الرقم: 967 769 07

3. مطعم أوليفيا – إنصار

مطعم أوليفيا بيقدم منيو شهية من المأكولات العالمية وكتير شاطر بتقديم الأكل الإيطالي. بيعمل البيتزا على أصولها، رقيقة وعلى الحطب مع أطيب الصوصات الإيطالية. 

الرقم: 544 814 81 

شوفوا كمان، ٦ مطارح خيالية بأعالي جبل صافي بالجنوب