٤ من أطيب مطاعم عمشيت عالبحر

عبالكن مشوار آخر الصيف بعمشيت، وحدة من أجمل مناطق جبيل عالبحر؟ ما بيكمل المشوار الحلو من دون الأكل الطيب. خلونا نتعرف على 4 من أطيب مطاعم عمشيت عالبحر!

1. Le Cap Restaurant

إذا عبالكن مأكولات بحرية طازة وشهية، هالمطعم واحد من أطيب مطاعم عمشيت وقاعد على المينا بالمنطقة. عندو قعدة رومانسية على صوت موج البحر، سمك فريش ومازة لبنانية، مأكولات بحرية وعرق بلدي غير شكل.

الرقم: 377 623 09

2. نسمة غنوى

نسمة غنوى بيقدم أجواء يونانية مميزة على البحر بعمشيت. عندو منيو متنوعة من الأطباق اليونانية المعمولة على أصولها، المأكولات البحرية الطازة، السلطات الطيبة، المازة البحرية الغنية بالطعم والأصالة اليونانية. عندو إطلالة على البحر وديكور رومانسي بياخدكن على جزر اليونان! من أجمل وأطيب مطاعم عمشيت الرومانسية.

الرقم: 227 454 03

3. مطعم بابل بحر

مطعم بابل بيقدم أكل بحري فاخر، قعدة رومانسية على البحر، نبيد طيب، وتجربة مميزة لكل عشاق البحر. مكان رح يسحركن بالأجواء الحلوة، القعدة على صوت الموج، ويبسطكن بالأكل الطيب والمناظر الخلابة!

الرقم: 999 620 09

4. مطعم كركند

مطعم كركند بيستقبلكن على أجمل قعدة على البحر. بتلاقوا قعدة رايقة على صوت الموجات والنورس، أطباق سمك مشوي وني وقريدس و Mussels و Linguine وقصص كتير طيبة لعشاق المأكولات البحرية!

الرقم: 411 775 81

شوفوا كمان، ٦ مطارح ببيروت بتحسسّكن إنكن بالطبيعة