٦ مطارح ببيروت بتحسسّكن إنكن بالطبيعة

ساكنين بيروت وعبالكن تهربوا من العجقة؟ خلونا ندلكن على 6 مطارح مطارح مغمورة بالطبيعة ببيروت!

1. جنينة الخواجة – شارع عبد الوهاب، الأشرفية

هالمطعم بيقدملكن قعدة فقرا الجبلية، العرق البلدي، وقعدة الخضار على قلب الأشرفية. مطرح رومانسي بيشبه القصور وبيقدم لقمة لبنانية طيبة!

الرقم: 569 444 76

2. بيت كافيه – شارع أرمينيا، مار ميخايل

هالكافيه عندو قعدة جنينة بقلب بيت بيروتي قديم بمار ميخايل! مكان رح تنغرموا فيه وبكل تفاصيله التقليدية، وعندو قعدة بلكون بتطل على شوارع بيروت الحلوة. واحد من أجمل مطارح مغمورة بالطبيعة ببيروت.

الرقم: 390 761 76

3. مطعم مكان – مار ميخايل

مطعم مغمور بالشجر والورد، بيقدم أكل هندي وشرقي غير شكل. عندو قعدة رومانسية ورايقة لعشا مميز!

الرقم: 057 954 70 

4. Hotel Albergo – شارع عبد الوهاب، الأشرفية

أوتيل بيستقبلكن على قعدة خيالية جايي من الستينات. بيتميز بديكور فريد رومانسي، وعندو جو كافيه وقعدة جنينة غير شكل لتشربوا فنجان قهوة على رواق أو تجربوا بيتزا على الحطب. 

الرقم: 797 339 01

5. دار الوردية – الحمرا

دار بيروتي صار كافيه بيستقبلكن على جو بيتوتي، قعدة رومانسية مع الورد الأحمر والياسمين، و Events  ثقافية ببيروت. مطرح مميز لتجربوا ترويقة شهية وقهوة طيبة تحت الشجر وبين الورد!

الرقم: 348 373 01 

6. بيت إم نزيه – الحمرا

إذا عبالكن طبخ لبناني، جو رايق، قعدة بين الخضار، بيت إم نزيه عندو أحلى الأجواء بين شوارع الحمرا. مكان مميز لتجربوا أكل بيتوتي وتروقوا راسكن على لعبة زهر وفنجان قهوة. 

الرقم: 397 742 01

شوفوا كمان، بين الجبال والشجر: ٥ بيوت ضيافة مميزة بلبنان