لقينالكن ٥ من أطيب مطاعم الباروك

مين عبالو طلعة على الشوف؟ اليوم المشوار تحديداً على الباروك، وحدة من جنات الشوف وأجمل المناطق الجبلية بلبنان. وليكمل مشواركن بالمنطقة، خلونا ندلكن على 5 من أفضل مطاعم الباروك!

1. مطعم المملكة

مطعم المملكة بيتميز بقعدة ملوكية تحت شجر الصنوبر وجنب نهر الباروك. واحد من أطيب مطاعم الباروكن عندنو تراس على صوت الميّ الجارية، قعدة جنب طواحين الميّ، وسفرة مشاوي ومازة وتحلاية غير شكل. 

الرقم: 143 865 03

2. مطعم بيتنا

مطعم بيتنا عبارة عن مطعم تراثي بيقدم قعدة مميزة بتطل على جبال وأرز الباروك. بيتميز باللقمة التراثية، النفس الجبلي، العرق البلدي مع الكبة النية، وجو بيروق الراس. 

الرقم: 456 841 03

3. مطعم شلالات الباروك

عبالكن قعدة جنب شلالات البروك؟ مطعم شلالات الباروك ناطركن على اللقمة الطيبة والسفرة الكريمة وأحلى قعدة تراس بالطبيعة، قعدة فوق الميّ الجارية مع لقمة لبنانية طيبة. واحد من أجمل مطاعم الباروك!

الرقم: 922 901 81

4. مطعم المضياف

مطعم المضياف بيستقبلكن على كرم الضيافة والسفرة الكريمة. عندو قعدة على ضفاف نهر الباروك وتراس بالهوا الطلق وتحت فيّ الشجر. مطعم مليان جمال وبيناسب العيل والجمعات الكبيرة، وعندن قعدة بالقارب كتير مهوضمة.

الرقم: 318 443 70

5. مطعم توريست

مطعم توريست بيقدملكن قعدة خيالية من فوق الجبل بتطل على الباروك كلها. قاعد المطعم بالهوا الطلق بيقدم أكل عالمي طيب ومنظر جبلي ساحر.

الرقم: 768 231 03 

شوفوا كمان، أحلى طلعة ع فاريا بهل-٣ مطاعم المميزة