بين الجبال والشجر: ٥ بيوت ضيافة مميزة بلبنان

للي عبالو يقضي الويك-أند بمحل جديد، هاي البعض من بيوت الضيافة والمنتجعات المهضومة المفضلة بلبنان!

١. بيت اللوز، كفرحباب

بقلب الطبيعة الخضرا قاعد بيت اللوز. هون، رح تشوفوا الطبيعة الخلابة والشمس الحلوة ناطرتكن. بدكن قعدة ع المرجوحة بقلب البيت؟ ولا تنزلوا على البيسين بين الوديان والجبال؟ ما في مكان أحلى للقعدة مع الأصحاب بشهر أيلول.

الرقم: 595 002 03

٢. منتجع سكابا Scappa Resort، عجلتون

إذا عبالكن تبعدوا عن العالم كم يوم وتعيشوا تجربة فخمة، رح تلاقوا بعجلتون منتجع سكابا Scappa Resort ناطركن. المناظر هون خيالية على الجبال والطبيعة. في بيسين رائع بقلب الغابة وجاكوزي ومطعم وسبا مميز لكل مين عبالوا يغنج حالو ولي بحبو. هون بتلاقوا الهدوء لي عم تنبشوا علي وبتستمتعوا بالطبيعة.

الرقم: 070 106 70

٣. السنديانة، كفرقطرا

إذا عبالكن جو لبناني أصيل ولقمة لبنانية بتفتح النفس، ميلوا ميولة على “السنديانة” بكفرقطرا. بتقدروا تاكلوا تحت شجر الزيتون بمطعم Seven Oaks إنتو وعم تتمتعوا بمناظر الجبال. الجو هون هادي والأكل لبناني تقليدي وطيب، مكان مثالي لوقت حلو مع العيلة .والأصحاب. بالمكان في غرف مريحة للزوار اللي عبالن يستمتعوا بمأكولاتن اللذيذة ويقضوا ليلة حلوة ببيت حجر

الرقم: 893 835 03

٤. شاتو سانت أندري Château Sainte Andrée، غبالي

شاتو سانت أندري محلكن المثالي إذا عبالكن تعيشوا تجربة نبيد لبناني روعة مع مناظر خلابة. بتقدروا تجربوا أكلاتن الطيبة وتستمتعوا بجمال الطبيعة – بتناموا بحضن بيت حجر عتيق وبترتاحوا على الآخر. هل محل مناسب لأوقات رومانسية مع شريك حياتكن!

الرقم: 267 700 03

٥. ماونتسكايب Mountscape، بحمراي

هل بيت عايش بقلب الطبيعة وبين الزهر والورد، هون فيكن تمشوا بالطبيعة. الجو الخلاب والهوا النقي بيخلوكن تحسوا بالسعادة. بقلب هل بيت مطعم جاهز يستقبلكن بكل أوقات السنة، هون فيكن تعيشوا أوقات حلوة مع الأصحاب والعيلة.

الرقم: 172 720 71

شوفوا كمان، ٣ مطاعم ساحرة فتحت جديد بلبنان.