فرنكن المفضل وصل من البترون ع بيروت

توت توت ع بيروت وحزروا مين وصل ع بيروت؟ فرنكن المفضل بشحمو ولحمو وبطولو وبعرضو صار عنا ببيروت. وين ببيروت؟ بنص دين الجميزة.

ما عرفتوا بعد عن مين عن نحكي؟ عم نحكي عن فرن مرشاق، أيقونة البترون لي بيخبز أطيب مناقيش لي ما إلها شبيه بالبلد!

هل فرن صرلو من سنة 1868 فاتح، بيعجن وبيخبز وبقدم مناقيش بتاكلوا صابيعكن وراها. من المنقوشة الإكسترا متل الجبنة واللبنة والزعتر والكشك للمنقوشة المدعومة متل صاروخ الدجاج وملغومة الكفتا، البيض بقاورما… كل شي عندو أكلة.

صدقوا الناس بيقصدوا مرشاق من آخر الدني لياكلوا أطيب منقوشة بس هلق ما عاد في لزوم لهل مشوار كلو لأن فتح بنص قلب الجميزة وعندو قعدة مهضومة كتير لكل مين عبالوا يبلش نهارو صح أو يموه شوي عن المطاعم والكافيهات لي زهقنا منن.

وبس تخلصوا حلوا قلبكن على المزبوط بساندويش كنافة ملغومة بالقطر ومدعومة بمي الزهر بتفوت على صمام القلب لجوا.

شو مين رح تاخدوا معكن على الترويقة بوكرا عبكرا، خبرونا بال comments؟

للمزيد من المعلومات اتصلوا على: 060 444 01

شوفوا كمان، وين فيكن تاكلوا منقوشة مع فيو حلو؟